5 mense buite Gautreinstasie in Sandton raakgeskiet

’n Groot gebied rondom die Sandton-Gautreinstasie is Vrydagmiddag afgebaken nadat vyf mense in ’n skietvoorval beseer is. Minstens twee motors is ook in die skietvoorval beskadig.

Vyf mense is Vrydagmiddag buite die Sandtonse Gautreinstasie raakgeskiet en met klippe gegooi toe metertaxibestuurders na bewering twee Uber-bestuurders in Weststraat aangeval het.

Minstens twee motors is ook in die voorval net ná 12:30 beskadig.

Volgens Max Cohen, ’n Emer-G-Med woordvoerder, het lede van die Johannesburgse Metropolisie (JMPD) by die toneel aangekom en die situasie onder beheer probeer kry toe hulle raakgeskiet en aangerand is.

“Drie beamptes en twee Uber-bestuurder is in die voorval beseer en op die toneel behandel, voordat hulle almal vir verdere behandeling na nabygeleë hospitale vervoer is,” sê hy.

’n Groot gebied rondom die Gautreinstasie is deur metropolisielede afgesper.

Owerhede is op die toneel vir verdere ondersoek.

Bron – Netwerk24


 

Enjoyed this post? Share it!