92-jarige verkrag deur swarte vir wie sy kos gegee het

92-jarige verkrag: ‘Ek was seer’, hoor hof

Die 92-jarige vrou voor dr. Shane Kotze was “tingerig” en “broos”.

Nadat hy haar ondersoek het, het hy op sy mediese verslag geskryf: “veelvuldige beserings, vermoedelik weens stompgeweld-trauma. Tekens van moontlike geforseerde penetrasie.”

Dié verslag is vroeër by die streekhof in Pretoria ingehandig waar William Mulaudzi (32) en Wilbur Xolani Ngudle (33) skuld op vier aanklagte van verkragting en een van huisbraak met die opset om te steel en diefstal ontken het.

Die slagoffer, nou 95, het vroeër getuig hoe sy op die aand van 18 Oktober 2013 vier keer verkrag is, vermoedelik deur ’n man vir wie sy gereeld kos gegee het.

Hy het haar ook gewurg. Haar keel gee steeds probleme.

Soms het hy opgestaan en sy vriend gehelp om haar juwele en kruideniersware te steel voordat hy weer teruggekom het.

Sy het alleen in haar huis in Groenkloof, Pretoria, gebly.

DAARDIE MAN IS EERS VAN MY BED AF TOE DIE SON OPKOM. EK WAS SEER.

Die aanvallers het 22:00 daardie aand deur haar dak en plafon gebars.

Hulle is eers ligdag weg.

Kotze het vroeër getuig dat die vrou later na die Netcare Unitas-hospitaal geneem is.

Daar was rooi kneusings aan haar wange, droë bloed aan die binnekant van haar mond en ’n merk van sowat 10 cm aan haar nek.

Daar was skeure, bloed en kneusings aan haar geslagsdele.

Behalwe dat haar borste seer was, was daar ook kneusplekke aan haar been en boud.

“Die beserings kan heel waarskynlik aan gedwonge penetrasie toegeskryf word,” het hy getuig.

Tefo Mokgoatsane, aanklaer, het Maandag in die hof gesê dat daar wel DNS-monsters van Ngudle kort ná sy arrestasie geneem is.

Hy wou graag getuienis oor die uitslag van die DNS-toetse in die hof lei, maar die polisie-luitenant wat dit hanteer het, het intussen na Australië geëmigreer.

Die verhoor is uitgestel sodat Mokgoatsane kan kyk of hy dié getuie kan opspoor.

’n Vingerafdrukkundige sal ook dan getuig.

Die slagoffer het destyds vertel dat sy nie kon beweeg toe die mans uiteindelik gegaan het nie.

“Daardie man is eers van my bed af toe die son opkom. Ek was seer,” het die vrou getuig.

Bron: Netwerk24


 

Enjoyed this post? Share it!

 
  • Saffa Coza

    Geen verskoning en geen verskoning om dit op enige manier te verdedig nie.

  • Natasha

    Filthy bastards !!!