Aartappel – fritatta

AppleMark

Aartappel – fritatta

Genoeg vir 6 mense
Bereiding: 15 min.
Gaarmaak: 15 min.

5 groot aartappels, in dun skywe gesny
1 rooi-ui, gekap
5 knoffelhuisies, fyn gekap
½ elk rooi, geel en groen soetrissie, gekap
6 eiers
60 ml (¼ k) melk
blare van 3 roosmaryntakkies
sout en peper
80 ml (⅓ k) gerasperde cheddarkaas
babatamaties, gehalveer

Voorverhit die oond tot 180 °C.

  1. Kook die aartappelskywe 5 minute in ’n klein pot oor matige hitte. Dreineer en sit eenkant.
  2. Smeer ’n kleefvrye, oondvaste pan (20 cm). Rangskik ’n laag aartappelskywe in die pan om die bodem te bedek en strooi die helfte van die gekapte ui, knoffel en soetrissies oor. Vervolg met nog ’n laag aartappel, die oorblywende ui, knoffel en soetrissies en ’n laaste laag aartappel.
  3. Klits die eiers, melk, roosmaryn, sout en peper saam. Giet die mengsel oor die groente in die pan en kook 3 minute oor lae hitte terwyl jy ’n spatel om die rand terwyl dit set sodat die rou eier onder invloei.
  4. Strooi die kaas bo-oor en plaas die pan 8 minute in die oond of tot die eier in die middel gaar is.
  5. Sit voor saam met gehalveerde babatamaties.
Deur Huisgenoot Digitaal op Maart 24, 2014

Enjoyed this post? Share it!