Afrikaans se lot by amateurs

Afrikaans se lot by amateurs

In die ou dae sou ons ‘n debat as deel van verskeidenheidskonsert gesien het. Vanaand egter word ‘n debat tussen snuiters in Stellenbosch gehou wat verreikende gevolge vir Afrikaans op die kampus mag inhou.
In aanloop tot Maandag se raadsvergadering vind ‘n debat tussen die amateuragtige en lawaaierige Open Stellenbosch en Afriforum Jeug plaas.
Die nuutgestigte Afrikaanse Alumni-vereniging hou later ‘n dinee.
Aangesien die taalbeleid vir 2016 reeds vasgemaak is (gelyke status aan Afrikaans en Engels) sal geen verandering aan die taalbeleid vir 2016 aangebring word nie.
Intussen vergader die Afrikaanse Alumni-vereniging ook Vrydag en Saterdag op Stellenbosch.
Adv. Jacques du Preez, woordvoerder van die Afrikaanse Alumni-vereniging sê daar is te veel politiek by universiteite waar dit nie hoort nie.
Du Preez sê dat ongrondwetlike interpretasies en toepassing van transformasie, asook politieke druk en inmenging, veroorsaak dat Afrikaans en akademiese vryheid tans verwater.
Hy het daarop gewys dat dat daar geen vooruitsig meer vir Afrikaans aan die Universiteit van Pretoria is nie. Slegs die Universiteit van die Vrystaat, die Noordwes-Universiteit en die Universiteit Stellenbosch staan enigsins nog ’n kans om volwaardige Afrikaanse klasaanbieding en universiteitslewe te verseker.
Die stigtingsaksie van die Afrikaanse Alumni-vereniging skop Vrydag af met ’n dinee in ’n plaaslike hotel waar John Kane-Berman van die Instituut vir Rasseverhoudinge, en prof. Johann Rossouw, skrywer en filosoof, die sprekers sal wees. Die tema is “Afrikaans, akademiese vryheid en transformasie”.- Vryburger

Enjoyed this post? Share it!