Agt gesoek na aanval op plaas

Die polisie en lede van twee plaaswaggroepe fynkam die Vaalbank-omgewing naby Bronkhorstspruit nadat ‘n gewapende bende laasnag ‘n vrou op ‘n plaas aangerand het.

Die agt aanvallers het eers die gesin se huishulp in haar huis oorval en aangerand, waarna hulle na die hoofhuis is waar hulle op die onderste verdieping doenig was totdat iets hulle waarskynlik die skrik op die lyf gejaag het.

Hulle het te voet ontvlug met ‘n plasmatelevisie en DVD-speler nadat hulle ‘n paar skote afgevuur het.

Die gesin wat op die boonste verdieping van hul huis was, is ongedeerd.

‘n Saak van gewapende roof word ondersoek.

Inwoners in die omgewing is gemaan om baie versigtig en paraat te wees.

 Bron: Vryburger


Enjoyed this post? Share it!