Amerikaanse gebakte hoender

Amerikaanse gebakte hoender

Die hoender kan selfs oornag in die yskas in die karringmelk gehou word – dit sal dan nog sagter en sappiger word.
GENOEG VIR 4 MENSE
Bereiding: 15 min.
Marineer: 45 min.
Gaarmaak: 45 min.
PEKELMENGSEL
60 ml (¼ k) fyn sout
100 ml bruinsuiker
1 knoffelhuisie, gekneus
250 ml (1 k) water
500 ml (2 k) yswater
HOENDER
4-6 hoenderporsies
250 ml (1 k) karringmelk
olie vir diepvetbraai
MEELMENGSEL
500 ml (2 k) meel
5 ml (1 t) bakpoeier
5 ml (1 t) sout
10 ml (2 t) paprika
10 ml (2 t) knoffelpoeier
Voorverhit die oond tot 180 °C. Plaas ’n draadrakkie op ’n bakplaat en bespuit met kossproei.
1. Pekelmengsel Verhit al die bestanddele saam met die water in ’n kastrolletjie tot die suiker opgelos is. Giet in ’n marineerbak en giet die yswater by.
2. Hoender Plaas die hoender in die marineerbak en laat 45 min. marineer. Haal die hoender uit die pekelmengsel en giet die karringmelk oor.
3. Meelmengsel Meng al die bestanddele goed en doop die hoender een vir een in die mengsel.
4. Braai die hoender in sarsies in verhitte olie tot goudbruin. Dreineer op kombuispapier. Pak op die bereide draadrakkie en rooster 35-40 min. of tot gaar.
5. Sit die hoender voor saam met soet brandrissiesous.
Deur Huisgenoot Digitaal op Februarie 20, 2015

Enjoyed this post? Share it!