Amptenare word ruimskoots vergoed vir denkbeeldige oortyd

‘n Paar amptenare van Brits moet dodelik moeg wees nadat hulle in vyf maande tot 12 uur oortyd per dag gewerk het.

Die goeie nuus vir hulle is egter dat hulle ruimskoots daarvoor vergoed is.

Hulle het tussen R27 000 en R38 000 per maand net aan oortyd verdien.

In Januarie het hulle hulself oortref deur ‘n yslike 232 ure oortyd elk gewerk het.

Hulle is almal amptenare in die burgemeester se kantoor en lewer geen noodsaaklike dienste nie. Die belastingbetalers van Brits het dus geen direkte positiewe gevolg ervaar van hulle “harde werk” nie. Inteendeel, rioolprobleme wat al jare duur, is steeds nie opgelos nie.

Die saak word skynbaar ondersoek, maar dit is nie seker of die amptenare geskors is nie.

Deur: Die Vryburger


Enjoyed this post? Share it!