ANC gaan voort met onteining van eiendom

Die ANC het sy meerderheid gebruik om die Wetsontwerp op Onteiening in die nasionale vergadering van die parlement met 208 stemme teenoor sewe te laat deur stoomroller.

Die volgende stap is dat president Jacob Zuma dit moet bekragtig.

Die wetgewing het duidelik sy oorsprong in artikel 25 van Suid-Afrika se grondwet en diegene wat dié artikel help skryf en ondersteun het, sal saam met die ANC moet pa staan as daar grondgrype in Suid-Afrika plaasvind, het dr. Pieter Groenewald van die VF Plus gesê.

Hy in sy reaksie gesê die ANC wil hierdie wetsontwerp misbruik as emosionele politieke speelbal oor grond. Volgens hom val president Jacob Zuma in by die koor van die EFF wat sê blankes het grond gesteel.

Sodoende word emosies opjaag. Dit is in werklikheid net ʼn verskuilde poging tot grondgryp in Suid-Afrika, meen hy.

Die VF Plus het instellings wat vroeër beswaar aangeteken het teen die wetsontwerp aangemoedig om dit nou verder in die konstitusionele hof te gaan toets.

 Bron – Vryburger


Enjoyed this post? Share it!