ANC volhard met Didiza as kandidaat

Ondanks die geweldpleging wat steeds plek-plek voortduur in Pretoria, is die ANC besig om deur te druk met sy besluit om Thoko Didiza as burgemeesterskandidaat vir Pretoria te bevorder.

Didiza sal na verwagting vandag saam met ander burgemeesterskandidate van Sentraal-Transvaal aan die publiek bekend gestel word.

Die premier van die provinsie, David Makura, en die provinsiale ANC-voorsitter, Paul Mashatile, sal hierdie kandidate op ‘n mediakonferensie bekend stel.

Ondertussen het geweld steeds in Pretoria in plekke soos Ga-Rankuwa, Mabopane en elders voorgekom. Die onluste het veral ontaard in plundering van buitelanders se winkels. Die polisie kon nie voorbly nie aangesien die grootskaalse plundering net op te veel plekke deur groepe plunderaars uitgevoer is.

Die ANC en sy alliansievennote het op hul beurt saamgestaan omtrent die storie dat die geweld aangestig word.

Die ANC-party en land se grootbaas, Gwede Mantashe, het die media meegedeel dat ANC-lede en sekere ANC-leiers sit glo agter die geweld.

Die vakverbond, Cosatu, het sy kommer uitgespreek oor dat die geweld “geborg word deur sommige lede van die beweging wat saamgespan het met tenderpreneurs,” en het vir ‘n ondersoek daaromtrent gevra.

Volgens die SAKP-sekretaris in Sentraal-Transvaal, Jacob Mamabolo, is die onluste beplan, gekoördineerd en finansieel geborg.

Foto – Thoko Didiza

Bron: Vryburger


Enjoyed this post? Share it!