Bejaarde in Somerset-Wes vermoor

‘n Bejaarde man van Somerset-Wes is onlangs in sy huis gekry nadat hy ‘n paar dae al dood was.

Derek Weldon-Ming (88 jaar) se seun Laurence het op sy lyk afgekom toe hy sy pa besoek het. Sy erg aangerande pa is doodgeslaan.

Laurence het nie antwoord op sy pa se landlyn en selfoon gekry toe hy onderweg na sy pa was om by hom te kuier nie.

Toe hy by die huis aankom, het hy dit vreemd gevind dat die motorhuis, die hoofslaapkamer en kombuis se ligte gebrand het.

Hy het deur die eetkamerventer geloer en gesien dat die huis geplunder is, waarna hy ‘n venster gebreek het om toegang tot die huis te kry.

Die aanvallers het by die hoofslaapkamer se venster ingebreek aangesien die diefwering gebuig is.

Verskeie items word vermis, waaronder waardevolle juweliersware, ‘n selfoon, ‘n handwapen en die huissleutels, volgens sy seun.

Weldon-Ming sou 89 jaar op 28 Junie geword het.

Foto – Derek Weldon-Ming

Bron- Vryburger


Enjoyed this post? Share it!