Boere loop deur in vlaag van plaasaanvalle

SAUK verneem dat gedurende die naweek van 1 Oktober 2017 ‘n hele rits plaasaanvalle plaasgevind het waar weerlose boere wreedaardig aangerand is.

1/2 PLAASAANVAL, OHRIGSTAD (LIM)
SATERDAG 30 SEPTEMBER 2017, ~ 02:00
BOER IN RUG GESKIET IN MIDDERNAGTELIKE URE!

‘n 38-jarige boer van die Ohrigstad omgewing, is Saterdag vroeg-oggend in die donker, van agteraf geskiet!

Dit nadat hy die veiligheid van sy huis verlaat het om ondersoek in te stel na ‘n alarm by een van sy nabygelee store.

Hy het die alarm herstel (reset) nadat aanvanklik niks verkeerd gevind kon word nie, maar op pad terug woning toe op sy 4-wiel motorfiets, is hy deur ‘n onbekende aanvaller in die rug gewond!
Vergiftigde hoenderkarkasse is ook op die toneel gevind, wat bevestig dat die honde probeer vergiftig is en die aanval baie erger kon verloop het!

Hy verkeer tans in redelike gesondheid, op pad na herstel, terwyl die aanvaller/s nog op vrye voet is.

2/2 PLAASAANVAL, WITRIVIER (MP)
SATERDAG 30 SEPTEMBER 2017, ~11:30
MAN EN VROU OP KLEINHOEWES AANGEVAL!

‘n Man en sy vrou van Landbouhoewes in die Witrivier-omgewing, is Saterdag helder-oordag aangeval met ‘n byl!

Die vrou is eerste aangeval, waarna die boosdoeners hul aandag na haar man gewend het.
Hulle het daarna ontvlug, blykbaar sonder om enigiets te neem!
Albei slagoffers is vervoer na ‘n plaaslike hospitaal vir behandeling.

GEEN VERDERE INFORMASIE NIE.


Enjoyed this post? Share it!