Britte vlug weg uit London

Die getal mense wat hulle woonhuise verkoop en padgee uit London het in 2015 met bykans 70% gestyg teenoor die vorige jaar.

Die huiseienaars raak ontslae van die duur wooneenhede in London en soek goedkoper woonplek in die naburige plattelandse gebiede.

Meer inwoners van London het woonhuise gekoop buite die hoofstad as wat op enige stadium die geval was sedert 2007.

Volgens die eiendomsmaatskappy “Hamptons International” het meer as 63,000 eienaars hulle huise gedurende die jaar in Londen verkoop.

Van hierdie verkopers het 90% ’n ander woonplek bekom, maar buite die stad gaan nes skop.

Die gaping in huispryse tussen Londen en die plattelandse gebiede het die afgelope jaar nog groter geword weens die vinnige styging van huispryse in London.

Huiseienaars het die voordeel gesien om die styging in London te benut deur na die platteland te verhuis waar hulle ’n aansienlik stiller lewe kan voer, en ’n redelike bedrag in die bank kan sit nadat ’n woonplek buite London aangeskaf is.

Duisende eienaars sê hulle het hulle woonplekke verkoop as gevolg van die duur lewenskoste, swaar belasting op eiendom, en die toename in gewelddadige misdaad.

’n Bekende eiendomsagentskap in London sê die uittog is maar in ’n begin stadium, en ’n aansienlike toename word verwag in 2016.-Vryburger

Enjoyed this post? Share it!