DA in die moeilikheid, blankes dreig om hulle stemme vir ‘n ander Party te gee !!

Die DA-leier, Mmusi Maimane, het die DA in ‘n skaakmat posisie geplaas met sy skorsing van Helen Zille.

Volgens ‘n interne meningsopname is veral blanke DA-ondersteuners kwaad vir Maimane omdat hy Zille geskors het, en dreig om hulle toekomstige steun van die DA te onttrek.

Aan die ander kant het hy die ongelukkigheid van swart kiesers opgewek aangesien hulle wil sien dat Zille summier uit die party geskop moet word. Hulle dreig ook om die DA nie verder te ondersteun nie. Ook die EFF, met wie die DA ‘n opportunistiese koalisie het in die stadsrade van onder andere Pretoria en Johannesburg, dreig om van die koalisie te onttrek as Zille nie uitgeskop word en as Wes-Kaapse premier vervang word nie.

Skynbaar wil die DA en Zille ‘n skikking behaal, eerder as om haar voor ‘n tugverhoor te kry en daarmee die risiko te loop om nog meer mense te verloor.

Waarnemers wys daarop dat as Maimane eerder Zille se opmerkings oor kolonialisme sou geïgnoreer het, in plaas daarvan om dit te gebruik om Zille te laat vervolg, sou dit hoogstens ‘n daglange storm in ‘n teekoppie van linkse media gewees het en oorgewaai het.


Enjoyed this post? Share it!