Die eerste grond waardeerder aangestel

Die eerste grond waardeerder aangestel

Die eerste grondwaardeerder

Kaapstad –  Die eerste grond Waardeerder-generaal wat ondermeer boere se plase gaan waardeer, en dit “regverdig en billik” gaan doen, is deur die ANC regering goedgekeur.

Dit is die regering se metode wat nou in werking kom om die grondgryp-proses te verhaas, te midde van die bewese inligting dat plaaswerkers nie belangstel om plase te besit nie.

Mnr. Christopher Kobla Gavor is pas as Waardeerder-generaal goedgekeur, wat meebring dat die Departement van Landelike Ontwikkeling en Grondhervorming nou die grondgryp program sal aanjaag, deurdat grond nou aansienlik “goedkoper” waardeer gaan word om met die beskikbare fondse in pas te bly.

Dit is die siening van ’n bekende landbouleier in Transvaal nadat die gegewens oor die nuwe aanstelling bekend geword het.

Gavor wat tot hede die direkteur vir waardasies by die Stad Kaapstad diens gedoen het, sal eersdaags sy nuwe pos beklee.

Die Waardeerder-generaal sal glo onafhanklik optree en doen direk verslag aan die Minister van Landelike Ontwikkeling en Grondhervorming.

Hy gaan ook waardeer saam met ander onafhanklike private waardeerders die plase waardeer en sal ook gebruik word in die onderhandelinge met plaaseienaars wanneer ooreenkoms met hulle bereik moet word oor die finale prys.

Wanneer onderhandelings op ’n dooipunt uitloop sal die voorskrifte glo gevolg word soos deur die Onteieningswet bepaal word.

Ingevolge die wet kan die staat die grond beset, ’n deel van die grond se prys betaal soos deur die Waardeer-generaal vasgestel is, waarna ’n hofproses uitsluitsel sal gee oor die balans.

Foto – Christopher Kobla Gavor

Die Vryburger 1 Junie 2015

Enjoyed this post? Share it!