Die plaasmoordsyfer het vir die vyfde agtereenvolgende jaar gestyg

VOLKSMOORD6-300x226Die plaasmoordsyfer het vir die vyfde agtereenvolgende jaar gestyg, sê AfriForum.

In 2015 is 270 plaasaanvalle tot dusver aangeteken, wat minder is as 2014 se 279. In 2014 is 61 plaasmoorde bevestig, terwyl 62 boere en werkers vanjaar reeds hul lewe verloor het in 56 plaasmoordaanvalle.

“Dit is kommerwekkend dat daar in minder plaasaanvalle meer moorde is. Dit dui daarop dat aanvallers nie skroom om voor die voet te moor nie,” sê me. Lorraine Claasen, navorser by die AfriForum-navorsingsinstituut. “Die verlies van 62 lewens is skrikwekkend, en in die meeste aanvalle is slegs die inhoud van kluise, kontant en wapens gebuit.”

In Gauteng is 13 plaasmoorde aangemeld, in Limpopo 11, KwaZulu-Natal agt en in die Vrystaat en Oos-Kaap sewe.

AfriForum spreek hul opregte medelye uit teenoor families wat geliefdes in plaasaanvalle verloor het. “Ons kan nie toelaat dat dié skoksyfer homself in 2016 herhaal nie. AfriForum sal onverpoos druk op die regering én internasionale rolspelers toepas om plaasmoorde tot prioriteitsmisdaad te verklaar. Ons sal ook voortgaan om landwyd gemeenskapsveiligheidsnetwerke te stig om veiligheid in landelike én stedelike gebiede te bevorder,” sê Claasen.-Landbou

Enjoyed this post? Share it!