Die Stad Johannesburg het vlak 2-waterbeperkings ingestel

Die Stad Johannesburg het vlak 2-waterbeperkings ingestel weens die agteruitgang in die grootmaat-watertoevoer

water te kort

WEES GEREED! Die van julle wat spaar baddens in die huis het, en wat dit nie gebruik nie, tap dit vol water en trek kleefplastiek bo-oor. Dis omtrent 200lt wat jy in n noodgeval tot jou beskikking kan he!

Met ESKOM wat op die rand van die afgrond huiwer, BILJOENE liters water wat vermors word, tesame met n rampspoedige droogte, – swaar tye lê voor

Luidens ‘n reeks twiets het Rand Water inwoners Maandag hieroor ingelig.
Rand Water se reservoirs het Maandag weens ‘n kragonderbreking by sy Eikenhof-pompstasie leeg geloop.
Gevolglik het sekere gebiede lae waterdruk ervaar, of geen water gehad nie.
Dit is teen hierdie agtergrond dat die stad waterbeperkings ingestel het.
Ons doen ‘n beroep op inwoners om water spaarsamig te gebruik. Hergebruik water waar moontlik, lui ‘n twiet.

Volgens die stad sal die reservoirs baie stadig gevul word en sal dit tyd neem om die normale toevoer te herstel.
Vlak 2-waterbeperkings sluit onder meer in:
– Dat tuine nie tussen 06:00 en 18:00 natgemaak
– en swembaddens ook nie gevul mag word nie.
– Tuinslange mag ook nie gebruik word om byvoorbeeld motors of plaveisel te was nie.

Volgens die stad kan stappe om water te bespaar, help om die toepassing van vlak 3-beperkings te voorkom.

Indien vlak 3-beperkings ingestel word, sal inwoners slegs op sekere tye watertoevoer hê.
Matshidiso Mfikoe, burgemeesterskomiteelid vir omgewings- en infrastruktuurdienste in Johannesburg, sê hoewel water steeds beskikbaar is, sal die waterdruk laer wees, berig News24.

As die situasie verder versleg, sal vlak 3-beperkings ingestel moet word.
Dit behels die voorsiening van water op vasgestelde tye, slegs soggens en saans op tye wat aangekondig sal wor

Enjoyed this post? Share it!