Droogteslenters om boere verder te knel

Te midde van ‘n baie erge droogte waar boere hard teen die natuur moet baklei om te oorleef en vir hulle diere te sorg, is daar nou nog gewetenlose skelms wat hulle met beloftes van veevoer uit duisende rande bedrieg.

Veevoer2
’n Boer van Bultfontein, Stefan Weydeman, in die Vrystaat, het R21, 000 in so ’n slenter verloor. Hy sê hy voer al ses maande lank sy vee en het op advertensies op Facebook, OLX en in die koerante vir veevoer gereageer.
Weydeman sê hy het selfs die een bankrekeningnommer bevestig voordat hy die R21,000 vir veevoer oorbetaal het. Hy het dit in die naam van die persoon oorgeplaas soos wat op die faktuur aangedui is.
Die transaksie is beklink en twee uur voor die voer moes afgelewer word, is die verkoper net weg. 
Jurgens (Tolla) van Vuuren, ’n boer van die plaas Damspruit naby Theunissen, is R52,500 in vermoedelik dieselfde bedrogspul kwyt.
Maar die bedrieër moet lig loop. Die boere is kwaad en hulle weet wie die bedrieër is en vang gaan hulle hom vang, sê Weydeman.-Vryburger

Enjoyed this post? Share it!