Ekonomiese vryheid in Suid Afrika word steeds minder

Suid-Afrikaners se toenemende beperking in ekonomiese vryheid is in die daaglikse lewe waarneembaar.

Dit is die standpunt van prof. Richard Grant van die Vryemarkstigting.

Suid-Afrika is tans 95ste op die wêreldranglys van ekonomiese vryheid en het sedert 2000 baie versleg, toe hy nog 46ste op die lys was, en 13 Afrikalande vaar al beter as Suid-Afrika.

Dit is die rede vir die verlies aan produktiwiteit en hoë werkloosheidsyfer.

Mense se vermoë om ‘n bestaan te maak word deur ‘n ondoeltreffende regering, wat regulatoriese struikelblokke in die pad plaas, in die wiele gery. Prof. Grant sê korrupsie en die wyse waarop Suid-Afrikaners gedwing word om omkoopgeld te betaal, beperk mense se ekonomiese vryheid.

Die Vryburger


Enjoyed this post? Share it!