Gebakte kerrievis

Gebakte kerrievis

gebakte kerrievis

Pleks van vis in die pan bak, druk ons dit in die oond – veel minder moeite. Dié geurige kerriesmake gaan goed saam met visse met ’n growwe tekstuur soos snoek, geelstert of dorado, maar jy kan enige tyd ook bevrore stokvis gebruik.
Genoeg vir 4 mense
Bereiding: 10 minute
Gaarmaaktyd: 10-15 minute (afhangende van die grootte van die porsies)

MARINADE
180 ml (3/4 k) klappermelk
180 ml (3/4k) natuurlike jogurt
skil en sap van 1 groot suurlemoen
1 rooi brandrissie, ontpit en gekap
15 ml (3 t) garam masala of geroosterde kerrie
5 ml (1 t) fyn komyn
3 ml (ruim ½ t) borrie
1 ui, fyn gekap
30 ml (2e) vars gemmer, gerasper
5 knoffelhuisies, fyn gedruk
VIS
4 porsies snoek, geelstert of dorado
sout en peper na smaak
Voorverhit die oond tot 220 °C.
MARINADE
Meng al die bestanddele, buiten die vis en sout en peper. Plaas die visporsies in ’n niemetaalbak, giet die marinade-bestanddele oor en laat minstens 15-20 minute marineer. Plaas ’n liggies geoliede oondpan of bakplaat 5 minute in die oond.
Pak die visporsies in die oondpan of bakplaat en geur met sout en peper. Giet die orige marinade oor en oondbraai 8-10 minute tot net gaar (die vleis moet nie meer glaserig vertoon nie en maklik vlok). Sit die vis warm voor saam met fynaartappel en ’n sambalslaai van gekapte rooi uie en komkommer waaroor bietjie asyn en suiker gesprinkel is.
Deur Huisgenoot Digitaal op Augustus 12, 2010

Enjoyed this post? Share it!