Gebraaide bros hoender

Gebraaide bros hoender

gebraaide bros hoender
Genoeg vir 4-6 mense
Bereiding: 10 minute
Gaarmaaktyd: 20 minute
olie vir diepbraai
375 ml (1½ k) meel
15 ml (1 e) paprika
250 ml (1 k) karringmelk
sout en vars gemaalde swartpeper
30 ml (2 e) brandsous
30 ml (2 e) rooipeper
4 hoenderborsies, gevlek
4 hoenderboudjies
hamburgerrolletjies, blaarslaai, tamatie en aartappelwiggies vir voorsit
1. Verhit olie vir diepbraai in ’n pot oor matige hitte.
2. Meng die meel en paprika in ’n groot bak. Klits die karringmelk, sout, peper, brandsous en rooipeper saam in ’n ander bak.
3. Doop die hoenderstukke in die meel om dit te bedek en dan in die karringmelk. Laat oortollige karringmelk afdrup en doop dan weer in die meel.
4. Wanneer die olie warm genoeg is, braai ’n klompie van die hoenderstukke. Draai een of twee keer om tot goudbruin en deurgaar. Skep met ’n gaatjieslepel uit die olie op ’n rakkie of papierhanddoeke uit. Braai die orige hoenderstukke.
5. Sit voor met die rolletjies, blaarslaai, tamatie en aartappel.
Deur Huisgenoot Digitaal op Junie 8, 2015

Enjoyed this post? Share it!