Gerookte varkrib

Gerookte varkrib

Gerookte varkrib
Sit die rib vroegoggend in die oond of maak dit oor die kole gaar.
Genoeg vir 4-6 mense
Marineertyd: 1 uur of oornag
Bereiding: 15 minute
Gaarmaaktyd: 1 uur en 45 minute
VLEIS
sowat 1 kg varkrib of ’n braaistuk soos ’n heel varkskouer of -boud
sout en vars gemaalde swartpeper
sap en skil van een suurlemoen
MARINADE
1 knoffelhuisie, fyn gekap
125 ml (½ k) tamatiesous
25 ml (5 t) olyfolie
50 ml blatjang
30 ml (2 e) gemengde vars kruie soos roosmaryn, tiemie en origanum, fyn gekap
15 ml (1 e) balsemieke asyn
200 ml bier
1. Geur die varkstuk met sout, peper, sap en skil. Meng die bestanddele vir die marinade en giet dit oor die varkstuk. Laat marineer dit ’n uur of oornag.
2. Voorverhit die oond tot 200 °C.
3. Plaas die varkstuk in ’n oondbak en oondbraai 15 minute. Verlaag die hitte tot 160 °C en oondbraai nog 1½ uur of tot gaar en die vleissappe nie meer bloederig is nie.
4. Laat rus sowat 10 minute en sny in skywe. Sit voor met gestoomde groenbone, dolmades en platbrode.
Deur Huisgenoot Digitaal op Desember 10, 2014

Enjoyed this post? Share it!