Groot uittog van dokters voorspel oor Nasionale Gesondheids Versekering

‘n Massiewe uittog van dokters kan plaasvind indien die ANC-bestel sy nasionale gesondheidversekering (NGV) in sy huidige vorm sou deurvoer.

Só het organisasies wat dokters verteenwoordig en nie-regeringsorganisasies gewaarsku.

Hulle het veral hul kommer uitspreek oor die koste van die beoogde plan en die feit dat die wyse waarop dit befonds sal word onduidelik is.

Hulle het gereageer op die departement van gesondheid se witskrif oor die plan wat bedoel is om die gaping tussen privaat en openbare gesondheidsorg te oorbrug.

Meer as ‘n 100 voorleggings is teen die spertyd op 31 Mei ontvang.

Volgens die witskrif sal die NGV ‘n enkele staatbeheerde mediese fonds wees wat alle gesondheidsdienste sal koop.

Die Suid-Afrikaanse Privaat Praktisynsforum wat 2 700 gespesialiseerde dokters verteenwoordig, is onder diegene wat waarsku dat dokters die land sal verlaat indien hulle in die NGV gedwing sou word.

Bron – Vryburger


Enjoyed this post? Share it!