Guptas wil hul eie bank begin

 Die Gupta-broers beoog om hulle eie bank te begin nadat hulle onlangs deur Suid-Afrika se groot banke geswartlys is weens beweerde staatsbeïnvloeding, oftewel staatskaping.

Die direkteure van Oakbay Investments, wat deur die Guptas besit word, is glo besig om te onderhandel met ‘n groot vakbond om ‘n bank oor te neem.

Dit is waarskynlik Ubank (voorheen Teba Bank) wat die Guptas in die oog het. Die bank word besit deur ‘n trust wat deur die Kamer van Mynwese en die Nasionale Unie van Mynwerkers (NUM) bestuur word.

Die bespiegelings word versterk deur beriggewing in ‘n finansiële blad dat Ubank binne twee jaar R152 miljoen vir herkapitalisasie benodig om sy banklisensie te behou.

Ubank se bestuur het aangedui dat die bank R800 miljoen benodig om sy stelsels en inligtingstegnologie-infrastruktuur op te gradeer.

Die Reserwe Bank het die bank glo net tot 20 Junie kans gegee om ‘n langtermynplan omtrent ‘n kapitaalinspuiting op die tafel te plaas.

 Bron: Vryburger


Enjoyed this post? Share it!