Hoender-Breyani

Hierdie geurige en smaaklike gesinsmaaltyd sal ’n wenner wees.

Genoeg vir 6 mense
Bereiding: 10 min.
Gaarmaak: 25 min.

500 ml (2 k) rys
25 g botter
1 ui, gekap
1 lourierblaar
3 kardemompeule, fyngedruk
1 kaneelstok
5 ml (1 t) borrie
4 hoenderborsies, in blokkies gesny
60 ml (¼ k) kerriepasta
80 ml (⅓ k) rosyne
750 ml (3 k) hoenderaftreksel
koljander, gekap

Was die rys in koue water tot die water skoon loop.
Verhit die botter in ’n katrol en soteer die uie 5 min. saam met die lourierblaar en ander heel speserye. Strooi die borrie in en voeg dan die hoender en kerriepasta by. Braai tot geurig.
Roer die rys in die pan in saam met die rosyne en giet dan die aftreksel oor. Plaas ’n styfpassende deksel op die pan en bring tot kookpunt. Verlaag die hitte en kook die rys nog 5 min. Skakel die hitte af en laat staan vir 10 min. Roer goed en meng die helfte van die koljander deur.
Strooi die res van die koljander oor en sit voor.

Deur Hope Malau
Foto: Jacques Stander

Huisgenoot Deur Annelene Oberholzer op April 19, 2016

 

Enjoyed this post? Share it!