Hoogmoedige Innibos vergelyk hulself aan die Skool, Kerk en Rugbyraad en sê “Die Stem is politiek, nie kultuur nie”.

In antwoord op ‘n brief  van ‘n vorige feesganger, wat nou Innibos fees boikot, het die Media & Bemarkingsbestuurder, Sandra Jacobs drie vrae gestel waar sy Innibos vergelyk met die plaaslike skool, die kerk en selfs die Rugbyraad!

Sy gaan ook verder om te vertel dat die verhoog nie die plek vir politiek is nie! So nou vra ons, wat van al daai miljoen kere toe Mandela deur kunstenaars regoor die wereld aanbid was? Was dit die verkeede plek? Wonder wat Bono van U2 sal dink oor die stelling dat musiekfeeste nie die plek is vir politiek nie?

Derdens, maak sy die stelling dat die kunsfeeste oor kultuur en kuns gaan. Nou is Die Stem nie deel van ons Kultuur nie?

Innibos: “Die Stem is politiek”. So is Viva Reënboognasie en Mandelatopia nie politiek nie?

Die brief van Innibos lees as volg:

Liewe Renske, dankie vir jou e-pos

Ek verstaan dat sy ondersteuners baie ontseld is dat ons nie vanjaar vie Steve genooi het om by innibos op te tree nie, maar laat ons asseblief toe om te verduidelik wat daartoe gelei het. Miskien sal dit jou ‘n bietjie beter begrip van ons situasie gee:

Ons het niks teen Steve as kunstenaar of mens nie maar ons beleid is baie eenvoudig dat ons nie gaan toelaat dat enige kunstenaar ons verhoë gaan misbruik om hul eie politieke beeld te bou nie. Moenie so naïef wees om te dink dat hy Die Stem gesing het bloot as ‘n mooi Afrikaanse volksliedjie nie! Steve is ‘n opportunis wat elke moontlike geleentheid gebruik om sy eie beeld te bou deur op die regte emosies te speel. Ons het van hierdie jaar af ‘n klousule in ons kontrak waarin kunstenaars moet onderneem om geen Godslasterlike of polities-sensitiewe inhoud in hul optrede in te sluit nie. Dit geld ook vir lirieke van liedjies, ens. Dit is ‘n gedragskode wat ons as billik en beskaafd beskou en Steve weier om hom daaraan te onderwerp. Hy het openlik gesê dat hy hom nie sal laat voorskryf wat hy van ‘n verhoog af gaan doen of sê nie. In die lig daarvan het ons besluit om hom nie uit te nooi nie. Dit is Steve wat daardeur homself uit Innibos weggelaat het. Weet ook verseker dat Innibos nie ‘n “Afrikaner” fees is nie maar ‘n Afrikaanse kunstefees vir alle Afrikaans-sprekende Suid Afrikaners van alle rasse en ook vir mense van ander taal- en kultuurgroepe wat die fees saam met ons wil geniet. Ons sal geen diskriminase van enige aard hier duld nie.

Jy moet dus vir Steve blameer as jy nie meer fees toe kan kom nie.

Drie vrae aan jou:

  • Sou jou plaaslike skool vir Steve uitnooi om Die Stem by hulle saalbyeenkoms te kom sing – nooit, want dit is nie die regte platform daarvoor nie!
  • Dink jy dat jou kerk vir Steve sal uitnooi om Die Stem op ‘n Sondag oggend by die kerk te kom sing – nooit nie, dis nie die regte platform daarvoor nie.
  • Dink jy dat die rugbyraad vir Steve sal uitnooi om Die Stem by ‘n toets te gaan sing – nooit nie want dit is nie die regte platform nie.

Waarom moet Steve toegelaat word om dit by ‘n kunstefees te doen wat uitsluitlik vir kulturele vermaak daargestel is.

Ons gaan nooit toelaat dat politiekery weer op ons verhoë gaan gebeur nie!

Dit is die enigste rede hoekom Steve nie by Innibos gaan optree nie – hy weier om by ons gedragskode in te val.

Laat ek dit asb duidelik stel; ons het niks teen Die Stem as lied nie. Baie van ons het daarmee grootgeword en dit het vir ons almal ‘n diep gesetelde nostalgiese betekenis. Dit is egter net so verkeerd om Die Stem op ‘n openbare verhoog te sing as om die ou landsvlag op die verhoog rond te swaai. Dit maak ‘n politieke “statement” en dit is onaanvaarbaar in die nuwe Suid Afrika en daarom sal ons dit nie op ons verhoë toelaat nie.

Dit is ‘n hartseer dag as mense toelaat dat een persoon hulle so kan breinspoel dat hulle wonderlike geleenthede soos kunstefeeste wil boikot. Ons (en al die ander feeste) werk al vir jare daaraan om vir ons eie kultuurgroep geleenthede te skep waar hulle die taal en kultuur kan uitleef. Dis omtrent al wat ons oor het! Innibos was nog altyd goed genoeg – en vir baie jare sonder Steve. Maar noudat hy alles kom bederf het met die Stem singery verlede jaar is ons nou ewe skielik die vark in die feëverhaal? Steve kan dit nie verdra dat Innibos die ruggraat gehad het om hom nie uit te nooi nie – die fees wat in sy eie woorde die grootste Afrikaanse gehoor in die wêreld is. Omdat hy suur is daaroor en waarskynlik in sy ego gekrenk is doen hy ‘n beroep op feesgangers om weg te bly van iets wat vir hulle belangrik geword het. Hoe kan enige iemand so verwaand wees! As jy jouself groter begin ag as die saak wat jy dien is jy op die verkeerde pad. Dit is hartseer dat Steve nie sy invloed wil gebruik om versoening te bewerkstellig in hierdie land in plaas van om verdeeldheid tuseen Afrikaanse mense en ook ander kulture te saai nie.

Dit sal jammer wees om julle as feesgangers te verloor maar jy moet vir Steve daarvoor blameer en nie Innibos nie. Ek vra maar net dat julle dit mooi oordink en al die faktore wat ek genoem het in ag neem. As al die belangrike feeste in SA vir Steve weglaat moet daar iets fout wees, nie waar nie? Dink jy dat verantwoordelike direksielede van feeste sommer so ‘n besluit ligtelik sal neem sonder dat daar baie goeie redes daarvoor is?

Ons gaan nietemin voort om ons bes te doen om Afrikaanse kultuur en taal te bevorder met puik musiek, toneel en woordproduksies. Ons volledige program word op 15 Mei bekendgestel.

Groete,

Sandra Jacobs, Media & Bemarkingsbestuurder, Innibos Nasionale Kunstefees

10959472_1376145579365550_2625309718037565409_n

Die oorspronklike brief lees as volg:

Aan Sandra,

Graag wil ek my teleurstelling bekend maak met die manier waarop julle kwansuis Afrikaans en die kultuur bevorder.
Steve was goed genoeg toe julle ‘n onbekende fees was. Afrikaner ondersteuning het julle “op die map” gesit, en nou dat julle ‘n groot fees is, maak julle soos enige tiener, pa en ma se ondersteuning is nie meer nodig nie, ons sal op ons eie regkom.
Jammer dat julle soos die tieners, julle lesse op die harde manier sal moet leer.
Geen Steve, geen ondersteuning.
Trots Afrikaans.

Renske du Preez

keuse2

 

Hieronder is die volle ringtone van Die Stem vir selfone:

 

Enjoyed this post? Share it!