Hou Rusland ‘n troefkaart?

Hou Rusland ‘n troefkaart?

Putin

Met die spanning tussen Rusland en Turkye wat steeds gevaarlik hoog is, blyk dit dat die Russiese president, Wladimir Poetin, moontlik met ’n troefkaart sit wat hy slegs sal gebruik in ’n uiterste geval.

Dit is die mening van ’n politieke ontleder na aanleiding van die drama wat op die Siries-Turkse grens afgespeel het toe twee Turkse vegvliegtuie ’n Russiese vliegtuig afgeskiet het.

Volgens die ontleder sit die Russe klaarblyklik met bewyse dat Turkye olie aankoop by die Islamitiese Staat (IS) terroriste, wat beskou word as ’n uiters plofbare aangeleentheid indien dit bekend gemaak sou word met gepaardgaande bewyse.

Pres. Poetin het kort na die voorval gesê die Turkse regering speel in die hande van die IS-terroriste toe hulle die Russiese vegvliegtuig afgeskiet het.

Tydens die G20-beraad in Turkye, het Poetin daarop gewys dat daar lande is wat op die beraad teenwoordig is, wat die terroriste ondersteun deur by hulle olie te koop.

Kenners wys daarop dat die uiters gespanne toestand wat tans heers, breekpunt kanbereik indien die vermoedens bewaarheid word.- Vryburger

Enjoyed this post? Share it!