IS-terroriste kry terugslag

ISISDie Inligtingsdiens van Irak het bevestig dat ’n belangrike oorwinning behaal is deur die regeringsmagte wat in ’n aanval 40 lede van die Islamitiese Staat (IS) in hegtenis geneem het.

Die operasie wat uitgevoer is in die omgewing van Bagdad en in die provinsie Diyala was glo suksesvol en van die belangrikste leiers is aangekeer.

Die terroriste het in die afgelope jaar telkens die onderspit gedelf in skermutselings met regeringsmagte en het tans feitlik geen vaste basis in die gebied nie.

Die terroriste maak gevolglik gebruik van motorbomme om chaos te veroorsaak inBagdad, maar kon in die afgelope maande geen aanval van stapel stuur nie.

IS-magte het hulp aangevra van buite die gebied om in Bagdad terreurdade te pleeg, wat daarop dui dat hulle ernstige terugslae gekry het. – Vryburger

Enjoyed this post? Share it!