Kaas-en-mieliebrood

kaas en mielie broodjei

Kaas-en-mieliebrood
Hierdie brood maak jy in ‘n japtrap en jy kan dit voorsit saam met braaivleis of met ontbyt.
Lewer 1 brood
Bereiding: 20 min.
Baktyd: 60-70 min.
500 g bruismeel
5 ml (1 t) sout
3 ml (ruim ½t)
bakpoeier
1 blik (410 g) heelpitmielies, gedreineer
30 ml (2 e) vars pietersielie, gekap
200 ml cheddarkaas, gerasper
500 ml (2 k)
karringmelk
Voorverhit die oond tot 180 °C en smeer ’n broodpan van 26 x 13 cm.
Sif die meel, sout en bakpoeier saam. Voeg die mielies, pietersielie, helfte van die kaas en die karringmelk by en roer liggies met ’n vurk.
Skep in die voorbereide pan, sprinkel die orige kaas bo-op en bak 1 uur of tot ’n toetspen skoon uit die middel van die brood kom.
Deur Huisgenoot Digitaal op Oktober 10, 2014

Enjoyed this post? Share it!