Kan so ‘n verkiesing vry en regverdig wees?

OVK maan teen geweld

Die Onafhanklike Verkiesingskommissie (OVK) het sy “diep kommer” omtrent die toenemende vlak van politieke geweld en intimidasie in aanloop tot die munisipale verkiesing op 3 Augustus in ‘n verklaring oorgedra.

Die OVK het gewaarsku dat alle politieke partye, kandidate en kiesers moet onthou dat ‘n oortreding van die gedragskode vir die verkiesing gestraf kan word met boetes, tronkstraf of selfs diskwalifikasie vir deelname aan die verkiesing.

Die instelling het daarop gewys dat politieke leiers verantwoordelik is vir die optrede van hulle ondersteuners en lede.

Die OVK het die toenemende vlak van “polities gemotiveerde” gewelddadige protesoptrede en intimidasie ten sterkste veroordeel.

Volgens die OVK het geweld al in vier provinsies, naamlik Sentraal-Transvaal, Natal, Oos-Transvaal en Wes-Transvaal voorgekom.

Hierdie tipe optrede en gedrag wat die kode vir die komende munisipale verkiesing oortree, ondermyn vry en regverdige verkiesing sê die OVK.

Politieke partye en kandidate is voorts gevra om hulle sterk uit te spreek teen enige optrede wat die toestande vir ‘n vrye en regverdige verkiesing ondermyn en veral teen die betrokkenheid van enige van hul lede en ondersteuners.

Bron: Vryburger


Enjoyed this post? Share it!