Kerkgangers oorrompelid van die Johannesburgse metropolisie en vat wapen

Een persoon is in hegtenis geneem nadat ’n groep kerkgangers ’n lid van die Johannesburgse metropolisie oorval, aangerand en sy wapen by hom afgeneem het.

Die voorval het Sondagmiddag plaasgevind, sê Wayne Minnaar, woordvoerder van die Johannesburg-metropolisie.

Volgens Minnaar het die polisiebeampte en sy kollega ’n motor weggesleep wat onwettig geparkeer was. Die motor behoort aan ’n lid van ’n kerk in Claimstraat in Hillbrow.

‘n Inhegtenisneming is gedoen toe van die aanvallers die beampte se wapen by die Johannesburg-sentraal-polisiekantoor gaan inhandig het.

Een van die metropolisielede het glo sy vuurwapen gebruik om ’n skoot in die lug te skiet om die skare uiteen te jaag, maar die skare het die beampte omring en aangeval.

Hy is ontwapen. Hy was bewusteloos toe hy na die Milpark-hospitaal vir behandeling geneem is.

’n Inhegtenisneming is gedoen toe van die aanvallers die beampte se wapen by die Johannesburg-sentraal-polisiekantoor gaan inhandig het.

Die tweede beampte is nie in die voorval beseer nie.

Deur: Netwerk 24


Enjoyed this post? Share it!