Kerrie-hoendersosaties

Kerrie-hoendersosasties

hoendersosaties

Genoeg vir 6 mense
Bereiding: 10 minute
Gaarmaaktyd: 15-20 minute
Marineer-en-weektyd: 2x oornag

SOUS
250 g droë appelkose
500 ml (2 k) appelkoossap
1 ui, fyn gekap
1 knoffelhuisie, gekneus
2 cm-stuk gemmerwortel, gerasper
olie
30 ml (2 e) matige kerriepoeier
5 ml (1 t) borrie
2 ml (½ t) gekapte brandrissie
45 ml (3 e) appelkooskonfyt
15 ml (1 e) suurlemoensap
60 ml (¼ k) klapper
SOSATIES
500 g hoenderborsfilette, in blokkies gesny
125 ml (½ k) natuurlike jogurt
gemeng met 45 ml (3 e) gekapte koljander vir voorsit
1. SOUS Week die appelkose oornag in die appelkoossap.
2. Braai die ui, knoffel en gemmer in die olie tot sag. Voeg die kerrie, borrie en brandrissie by en braai 1 minuut.
3. Voeg die konfyt, suurlemoensap en klapper by. Laat afkoel en roer 60 ml van die sap waarin die appelkosies geweek het, by. Voeg die hoender by en marineer oornag.
4. SOSATIES Week sosatiestokkies in water en ryg die appelkose en hoenderstukkies daarop. Plaas op ’n bakplaat.
5. Rooster die sosaties sowat 20 minute of tot gaar onder die roosterelement.
6. Sit voor met die koljanderjogurt
Deur Huisgenoot Digitaal op Maart 18, 2015

Enjoyed this post? Share it!