Kommer oor definisie van grondonteiening

Groot kommer bestaan oor die Wetsontwerp op Grondonteiening wat pas deur die komitee oor ekonomiese- en sakeontwikkeling goedgekeur is.

Die definisie van onteiening in die wetsontwerp laat veral die rooiligte flikker aangesien dit vergoeding beperk tot gevalle waar die staat die eiendom in die hande kry.

Die gevaar is dat die wetgewing dieselfde roete sal volg as wat met minerale regte gebeur het.

Indertyd is in die saak tussen Agri SA en die minister van minerale bronne voor die grondwetlike hof bevind daar mag geen onteiening wees in gevalle waar dit nie daartoe sal lei dat die staat die grond bekom nie.

Die grondwetlike hof het bevind dat die opeis van minerale regte deur die staat nie op onteiening neerkom nie en dus nie vergoed hoef te word nie.

Dit is ook kommerwekkend dat openbare vergaderings oor die aangeleentheid op kort kennisgewing gehou is en deelname uiters beperk was.

Die landbou-organisasie, Agri SA, het aangedui dat hy alle pogings om die wet toe te pas in die hof sal beveg en die uitvoering daarvan fyn sal dopgehou.

Bron : Vryburger

Enjoyed this post? Share it!