Korrupsie blom in skole en lisensies

Corrupt Officials

Skole en verkeersafdelings is volgens Corruption Watch (CW) die plekke waar korrupsie hoogty vier.

Die skole se syfer is 16% en dié van verkeersafdelings is 12%.

Die klagtes wissel van misbruik van gesag tot omkopery. Soos vantevore berig, word talle klagtes nie by CW aangemeld nie, omdat klaers intimidasie vrees.

Die Valke ondervind tans ‘n opwaartse tendens by verkeersbeamptes wat motoriste se bestuurslisensies “konfiskeer” met die hoop dat hulle omkoopgeld aangebied sal word.

‘n Regskenner van die Universiteit Johannesburg (UJ), dr. Mispa Roux sê dat die geheimhouding rondom korrupsie maak dat baie gevalle nie opgetel word nie en dat die tipe misdaad floreer.

Kenners is dit eens dat die syfers en statistiek van CW slegs die punt van die ysberg is.- Vryburger

Enjoyed this post? Share it!