Kultuur teen aardige bedrae geskep

Die ANC-bestel is besig om standbeelde te laat oprig teen aardige bedrae om sodoende die verwyt aan te spreek dat daar nie sulke kultuurgoedere geskep is om swartes te herdenk nie.

‘n Sogenaamde vrouemonument word tans teen R206 miljoen in die Pretoriase middestad opgerig om swart vroue te gedenk wat teen die paswette betoog het.

Standbeelde van vroue sal op die hoek van Van der Walt- en Kerkstraat opgerig word, terwyl ‘n hele sogenaamde “struggle-roete” na die Uniegebou in vooruitsig gestel word.

‘n Museum word ook as deel van die reuse uitgawe beplan.

Die standbeelde sou glo al teen Junie voltooi gewees het, maar sal nou eers in Desember moontlik klaar wees.

Die skielike haas om kultuurgoedere te skep volg nadat talle standbeelde uit die Afrikanergeskiedenis veral verlede jaar ontsier is met verf en slagspreuke as deel van ‘n hele politieke vendetta teen blankes.  

 Gedenk heel eerste vroue-protesoptog na Uniegebou

Gepaste standbeelde sou veeleerder juis in Pretoria opgerig kon word vir die nagenoeg 6 000 vroue, wat op 4 Augustus 1915 opgeruk het om druk op die regering uit te oefen om veroordeelde Rebelle vry te laat.

‘n Standbeeld-groep sou beslis die leier en inisieerder van die optog kon verteenwoordig, naamlik die 84-jarige Hendrina (Drienie) Joubert, die weduwee van die Boere-generaal, wat die heel eerste vroue-protesoptog na die Uniegebou gelei het.

Weduwees, soos Nonnie de la Rey en Mathilde Beyers, en vrouens wie se Rebelle-mans in die tronk was, soos Cornelia de Wet, het aan dié optog deelgeneem.

‘n Vryheidsroete deur die stad tot by die Uniegebou sou die Boere-stryd kon uitbeeld, en genoeg materiaal sou beskikbaar gewees het om hierdie stryd in ‘n museum uit te beeld.

Verlede jaar was dit die honderdjarige herdenking van hierdie gebeure, en daarom juis gepas om dit te herdenk, sonder dat miljoene rande daarvoor opgeslurp word.

Foto – Boek oor die lewe van Drienie Joubert

Bron -Vryburger


Enjoyed this post? Share it!