Lamstokkies met koolslaai

Lamstokkies met koolslaai

lamstokkie
Lewer 6 sosaties
Bereiding: 20 Minute
gaarMaaktyd: 15 Minute
Marineertyd: 1 uur oF oornag
staantyd (slaai): 30 Minute
Marinade
1 klein bossie ment, gekap
10 ml (2 t) gekapte origanum
4 knoffelhuisies, gekap
halwe bossie stingeluie, gekap
sap en skil van 1-2 suurlemoene
5 ml (1 t) elk fyn komyn en koljander
500 ml (2 k) natuurlike jogurt
sout en peper
Kebabs
1 kg lamsboud, in groot blokke gesny
12 piekeluitjies, in die helfte gesny
Slaaisous
2 cm-stuk gemmer, gerasper
1 knoffelhuisie, gekneus
60 ml (¼ k) olyfolie
45 ml (3 e) suurlemoensap
gekapte koljander
knippie suiker
Slaai
1½ kop blomkool of broccoli
kwart kopkool, in dun repies gesny
¼ komkommer, in dun stokkies gesny
4 stingeluie, gekap
Vir Voorsit
6 tortillas
ekstra Griekse jogurt met olyfolie
1. MARINADE Meng alles saam en laat die vleis 1 uur daarin marineer, maar verkieslik oornag.
2. KEBABS Ryg die vleis en piekeluitjies aan stokkies, geur met sout en peper en braai in ’n riffelpan
3. of op die kole of rooster in die oond tot gaar. Verf met olyfolie.
4. SLAAISOUS Meng al die bestanddele saam.
5. SLAAI Meng al die bestanddele en giet die sous oor. Laat 30 minute staan.
6. VIR VOORSIT Sit sosaties voor saam met slaai in ’n warm tortilla.
Deur Huisgenoot Digitaal op Januarie 12, 2015

Enjoyed this post? Share it!