Lesufi gaan Transformasie en vermeniging op skole afdwing

‘n Openbare debat in Tembisa tussen die LUR vir onderwys in Sentraal-Transvaal, Panyaza Lesufi, en ‘n Afrikaanse burgerregte organisasie is afgesluit met ‘n handdruk tussen die twee mans, maar die LUR lyk asof hy met geklemde kake afgeneem is.

Apartheid was uiteraard Lesufi se invalshoek en het dit baie duidelik, sonder enige vrese vir beskuldigings van blatante rassisme, gestel dat hy nie skole wil hê waar “kleinbasies” alleen met mekaar speel nie.

Hy is ook baie gedetermineerd om sogenaamd ‘n nie-rassige samelewing te bou.

Die burgerregte organisasie het in reaksie op Lesufi se uitsprake gesê Lesufi word gedryf deur weerwraak.

Voorts is sterk aanbeveel dat die werklike fokus hier moet die 80% wanfunksionele skole wees. En is opgemerk dit is nie Hendrik Verwoerd se skuld dat daar nie onderwysers in ’n klas is nie. Daarmee is waarskynlik verwys na die baie afwesighede van onderwysers asook blote laksheid in bepaalde skole.

Voorts het die organisasie uitgewys dat die helfte van kinders wat in graad 1 begin, nie matriek haal nie. En dit is onomwonde gestel daar is ’n ernstige probleem in die onderwys, maar Lesufi probeer aanvoer mense is Sadou-fobies.

Die twee het na afloop van die debat onderneem om in die toekoms nog gesprekke met mekaar te voer.

 Bron – Vryburger


Enjoyed this post? Share it!