Maklike Piesangbrood

Bereiding 10 minute
Baktyd 60 minute
Lewer 1 piesangbrood

KOEK
125 g botter
250 ml (1 k) bruinsuiker
5 ml (1 t) fyn kaneel
5 ml (1 t) koeksoda
250 ml (1 k) water
2 eiers, geklits
500 ml (2 k) bruismeel
3 goedryp piesangs, fyn gedruk
125 ml(½k) pekanneute, gekap
VERSIERSEL
230 g geroomde maaskaas
125 g sagte botter
10 ml (2 t) fyn kaneel
750 ml (3 k) versiersuiker, gesif
gedroogde piesangskyfies vir bo-oor sprinkel

Voorverhit die oond tot 180 °C. Smeer ’n broodpan van 26 x 9 cm.

  1. Koek Plaas die botter, bruinsuiker, kaneel, koeksoda en water in ’n kastrol en laat kook terwyl jy roer. Laat 3 minute prut.
  2. Laat afkoel en klits die eiers by. Vou die meel en daarna die piesangs en neute by.
  3. Giet in die pan en bak sowat 60 minute of tot ’n toetspen skoon uit die middel van die brood kom.
  4. Laat effens in die pan afkoel en keer op ’n draadrakkie uit.
  5. Versiersel Klop die maaskaas, botter en kaneel saam tot glad. Voeg die versiersuiker by en roer goed.
  6. Smeer oor die piesangbrood en sprinkel die gedroogde piesangskyfies bo-oor.
Deur Huisgenoot Digitaal op September 7, 2015

 

Enjoyed this post? Share it!