Man op Donkerhoek-hoewe vermoor

’n Man is op ‘n kleinhoewe in die Donkerhoek-omgewing naby Pretoria in sy huis gekry nadat hy sewe keer geskiet is.

‘n Vriend van hom, Leroy Bender, het gaan ondersoek instel omdat Brandt Steyn (40 jaar) nie sy selfoon beantwoord het nie, en het hom in ‘n plas bloed aangetref.

Dit wil voorkom asof Steyn probeer het om homself met ‘n kombuismes te verdedig. ’n Bloedspoor het in die rigting geloop wat die aanvallers padgegee het.

Die polisie het nege patroondoppies, ’n paar patrone van ’n 9 mm-pistool en ’n ander handwapen op die toneel gekry.

Steyn se skootrekenaar en beursie is gesteel, maar sy bakkiesleutels en selfoon het in die huis agtergebly. Die polisie het die beursie later naby die huis gekry.

‘n Klag van moord word deur die polisie ondersoek.- Vryburger


Enjoyed this post? Share it!