Man sterf in botsing met blouligkavalkade

Bloulig-Polisiemotor-300x200‘n Saak van strafbare manslag is geopen in die dood van Herman van Schalkwyk (68) wat verlede Woensdag in ’n ongeluk waarin die blouligkavalkade van David Mahlobo, Minister van Staatsveiligheid, betrokke was.

Dit kon nie vasgestel word of die Minister in die motor was wat in die botsing betrokke was nie. Mahlobo se bestuurder het wel beserings opgedoen.

Van Schalkwyk was op pad na sy seun, ook Herman, en skoondogter, Marinda, en hul twee kinders. Van Schalkwyk het glo enkele minute voor die ongeluk met sy seun gepraat.

Die ongeluk was op die R33 tussen Amsterdam en Carolina in die omgewing van Lothair naby Dundonald.

Volgens bronne was Mahlobo op die toneel toe die tweede kar in sy kavalkade met Van Schalkwyk se voertuig gebots het.

Mahlobo se woordvoerder, Brian Dube, ontken dit. Hy het egter die “noodlottige ongeluk” bevestig.

Skynbaar het die bestuurders en staatsamptenare in Mahlobo se span uit die motorwrak na die tweede blouligmotor geloop en van die toneel af weggery. – Vryburger

 

Enjoyed this post? Share it!