Miltsiekte tref mens en dier

MiltsiekteMeer as 40 mense, en 30 beeste is in die suidelike deel van Zimbabwe met miltsiekte besmet en boere in Noord-Transvaal is bekommerd dat die siekte kan oorwaai na Suid-Afrika.

Alhoewel boere in die buurland gevra is om hulle diere te ent teen miltsiekte, blyk dit dat hulle nie almal gehoor gegee het nie, en het die gevaarlike siekte talle mense besmet.

Alhoewel geen mense tot dusver beswyk het nie, het minstens 30 beeste gevrek en bestaan die moontlikheid dat meer diere besmet is en later kan vrek.

Mense doen gewoonlik die siekte op wanneer hulle besmette vleis eet, en stamhoofde doen nou ’n beroep op die Mugabe regering om entstof te voorsien waarmee die diere ingeënt kan word.

Dit is nie bekend watter maatreëls getref is om die mense te behandel wat die besmetting opgedoen het nie. – Vryburger

Enjoyed this post? Share it!