Munisipale Bestuurder van Kroonstad is in rioolsop !!

Die munisipale bestuurder van die Moqhaka plaaslike munisipaliteit in die Vrystaat, is in die moeilikheid oor riool, en hy staar nou strafregtelike klagtes in die gesig.

Die munisipaliteit sluit Kroonstad, Viljoenskroon, Steynsrus en Vierfontein in.

Simon Mqwathi doen skynbaar niks aan riool wat al maandelank in strate in Kroonstad loop.

Dit het daartoe gelei dat VF Plus hom nou by die polisie gaan aankla het. “Mqwathi en die munisipaliteit onder sy bestuur moet aanspreeklik gehou word vir die skending van die inwoners van Kroonstad se grondwetlike reg tot ʼn veilige omgewing weens riool wat al maande lank in strate in Kroonstad loop”, sê Jeanie Hattingh, VF Plus-raadslid in die munisipaliteit gesê.

Die klag is by die polisiestasie op Kroonstad aanhangig gemaak ten opsigte van die munisipaliteit se oortreding van die Nasionale Waterwet, die Nasionale Omgewingsbestuurswet en bowenal artikel 24 van die Grondwet wat bepaal dat elke mens die reg tot ʼn omgewing het wat nie skadelik tot sy welsyn of gesondheid is nie.

“Riool loop al maande lank in Impalastraat af en ʼn stroom riool vloei vanaf Wilsonstraat tot by die stormwatersloot voor die munisipaliteit se ingang.

“Ek het hierdie plekke al persoonlik vir munisipale amptenare gaan wys, maar daar het dadels van gekom. Ons sal hulle nou dwing om hul wetlike pligte na te kom, al moet hulle deur die letter van die wet vervolg word,” het sy gesê.


Enjoyed this post? Share it!