Nog meer geld van ons belastingbetalers word gemors om ministers te beskerm.

Gaan daar nog meer blouligbendes ontplooi word om ministers te beskerm en die publiek te intimideer?

Dit word gevra nadat die adjunkminister van justisie en korrektiewe dienste, Thabang Makwetla, die naweek deur vir mans gekaap is.

Skynbaar was sy BBP-beskermers nie daar toe hy hulle nodig gehad het nie. Hy is deur vier gewapende misdadigers in die Fourways omgewing agtervolg en hom by ‘n hospitaal se hek oorrompel, waar hy ‘n vriend wou gaan besoek. Hy is in ‘n voertuig gedwing waar hulle etlike ure met hom rondgery het en uiteindelik sy bankkaarte en ID dokument gevat het. Twee veiligheidswagte is terselfdertyd deur hulle oorrompel en moes met ‘n plek in die kattebak tevrede wees.

Nog niemand is gearresteer nie, en daar word met belangstelling gekyk na die verloop van die saak en of die adjunkminister sy toutjies in die justisie departement gaan trek om die misdadigers ‘n stewiger vonnis te laat kry, sou hulle wel vasgetrek word.


Enjoyed this post? Share it!