Nog verdagtes na Bothaville plaasaanval vasgetrek

plaashek

Nog twee verdagtes, wat hulle as polisiemanne voorgedoen het tydens ‘n aanval op ‘n plaas buite Bothaville, is aankeer.

Hulle is in Viljoenskroon in hegtenis geneem in verband met ‘n aanval verlede maand deur vyf mans in polisie-uniforms op Adri Conradie (66 jaar) en familielede van haar.

Die aanvallers word ook verbind met ‘n rooftog in Maart vanjaar op ‘n wildplaas buite Hartbeesfontein.

Die bende het aanvanklik voorgegee dat hulle ‘n klag van dwelmbesit ondersoek, maar het Conradie, haar suster en dié se dogter met haar twee jong kinders oorrompel en vasgebind.

Hulle het selfone, kontant en vuurwapens geroof en in ‘n wit bakkie gevlug.

Twee verdagtes is dieselfde aand na die aanval in Orkney deur die plaaslike buurtwag, landelike beveiliging en die polisiediens aangekeer.

Die vier verdagtes sal na verwagting binnekort in die landdroshof op Bothaville verskyn.

 Bron – Vryburger


Enjoyed this post? Share it!