Pierneef en Meerkotter opgeveil vir Afrikanerarmoede

“Katedraalvenster” deur Dirk Adriaan Meerkotter (1968) Foto: Orania Beweging

ʼn Filiaal van die Orania Beweging, die Helpsaamfonds, het ʼn aanlyn veiling begin waartydens ʼn Pierneef- en Meerkotterskildery opgeveil word.

Die Helpsaamfonds het ten doel om Afrikanerarmoede op ʼn volhoubare wyse aan te spreek. Dit sluit in die oprigting van sub-ekonomiese behuisingsprojekte. Die projekte sluit in Elim, wat behuising aan 47 mans voorsien, en Soetdoring, wat tans 12 gesinne huisves.

Volgens Pieter Krige, uitvoerende hoof van die Helpsaamfonds, sal die verkoop van die skilderye ʼn reusebydrae lewer tot die verdere oprigting van sub-ekonomiese behuisingsprojekte in Orania.

Die Pierneef-skildery is getiteld “Struisbaai” en is in 1950 geskilder. Die Meerkotter-skildery is getiteld “Katedraalvenster” en is in 1968 geskilder.

Die veiling kan by www.orania.co.za besigtig word en sluit op 21 Junie.


Enjoyed this post? Share it!