SAUK Nuus Brokkies – Krag, Riool en 26 Plaasaanvalle

Namibiese Elektrisiteitsverskaffer Steel Eskom se Krag – July 2, 2015

NamPower, die Namibiese elektrisiteitsverskaffer, het glo Maandagaand sonder toestemming sowat 134 megawatt (MW) elektrisiteit van Eskom getap terwyl die Suid-Afrikaanse kragverskaffer plaaslik beurtkrag toegepas het.

Die krag is getap omdat die Namibiese kragnetwerk gedestabiliseer is deur ’n watertekort by die Ruacana-hidrokragstasie in die Kunenerivier. Die krag is Maandagaand tussen 20:00 en 21:00 getap. Eskom het in daardie stadium beurtkrag toegepas, wat beteken hy het ’n tekort aan minstens 1 000 MW ondervind. NamPower het glo die afgelope twee maande gereeld krag van Eskom getap, maar betaal boetes daarvoor.

Die Republikein berig hy het dokumente gesien wat wys NamPower het in die twee maande boetes van sowat N$22 miljoen aan Eskom betaal. Eskom is omgekrap daaroor en dit lyk of Suid-Afrika se leweringooreenkoms met Namibië en die land se posisie in die Suider-Afrikaanse kragpoel in die gedrang is. Dit word as ’n skending van die protokol in die kragpoelooreenkoms beskou.

Dis ’n sensitiewe saak wat in diplomatieke kringe baie versigtig hanteer word omdat dit betrekkinge tussen die buurstate kan vertroebel. Khulu Phasiwe, woordvoerder van Eskom, wou Woensdagaand nie die berigte in Die Republikein bevestig of ontken nie. Khulu voer aan dat dit onwaarskynlik is dat Eskom Maandagaand krag aan Namibië sou lewer omdat Eskom self beurtkrag toegepas het. Eskom voer blykbaar geen elektrisiteit uit wanneer ons binnelandse tekorte het nie.

Eskom voer krag uit na NamPower vir minder as N$1 per kilowatt-uur, maar wanneer dit onwettig getap word, moet NamPower N$9 opdok. Die dam by die Ruacana-kragstasie is Maandagaand leeg gepomp en hy kon geen krag opwek nie. Volgens Die Republikein was die land net minute van ’n algehele ineenstorting van sy netwerk af toe Suid-Afrika se krag getap is – Netwerk 24

 

Artikel 2

 “Eskom eet koek terwyl SA sukkel met brood”Volgens ‘n mediaverklaring van die VF Plus het hul Parlementêre woordvoerder oor openbare ondernemings dr. Pieter Groenewald die volgende kommentaar gelewer op Eskom wat nou ʼn reddingsboei van R23 miljard van die staat moet kry ten einde funksioneel te kan bly: “Eskom is soos Marie Antoinette wat nie besef het haar land se mense kry swaar nie en gesê het hulle moet koek eet terwyl hulle brood gebedel het. Die opmerking oor koek was een van die hoofredes waarom die geduld van die Franse gepeupel eindelik opgeraak het en waarom haar kop letterlik onder ʼn valbyl afgekap is. Vandag kom Eskom en hy vra die belastingbetaler R23 miljard, maar oor letterlik twee dae word ʼn tender uitgesit waarin gevra word dat sekere kruideniersware en voedsel gelewer word vir Eskom se korporatiewe kantoor by Megawatt Park. Hierdie tender is vir die gereelde lewering van 300 koeke wat insluit Swartwoudkoek, Bar One-koeke en gebakte vlakoeke. Dit beteken die topbestuur van Eskom leef in weelde en eet koek op die belastingbetaler se rekening en dan het hulle nog die arrogansie om Nersa te vra vir ʼn bykomende tariefverhoging. Van die 121 kragopwekkingseenhede indie land is daar net 49 wat behoorlik funksioneer. Ek wil aan die regering sê hulle kan bly wees ons leef in die jaar 2015. As ons in die 18de eeu geleef het, was u koppe ook afgekap.”
Artikel 3

50 miljoen liter rou riool by Kaapstad

Volgens ‘n mediaverklaring van AfriForum vloei nagenoeg 50 miljoen liter rou riool en grys water tans op ʼn daaglikse basis sowat 1,7 km vanaf die kus by Kaapstad in die Atlantiese Oseaan in. Dit is die somtotaal van Groenpunt (30 miljoen liter), Houtbaai (5,5 miljoen liter) en Kampsbaai (2 miljoen liter) se rioolaanlegte. AfiForum sê: “ʼn Sif skei die groot stukke ontlasting en harde riool, waarna die res in die oseaan gepomp word. Dit is ook nie net die riool wat oproer veroorsaak nie, maar miljoene liters chemikalieë wat saam met die riool elke maand in die see gepomp word. Wanneer seestrome weg van die kus vloei, word die riool verdun en weggespoel, maar die probleem ontstaan wanneer die seestrome na die kus vloei en die wind kuswaarts waai. Talle duikers, kajak-entoesiaste en branderplankryers het al vantevore siek geword weens die riool. “Kaapstad kan nie sy rioolprobleem in die oseaan wegspoel óf bloot aansoek doen vir ʼn permit om dit te wettig nie. Hierdie is ʼn uitdaging wat die munisipaliteit die een of ander tyd vierkantig in die oë sal moet kyk en met innoverende oplossings vorendag sal moet kom.”

 

Artikel 4

Betaalstaat van R407 miljoen vir tradisionele leiers

In ‘n mediaverklaring het die DA in die Parlement daarop gewys dat begrotingsdokumente toon dat die salarisstaat vir tradisionele leiers verhoog gaan word vanaf R317 miljoen in die huidige finansiële jaar na R407 vir die volgende finansiële jaar – ‘n verhoging van 28%. Dit wil ook voorkom asof die ekstra bedrag uit die begrotings van provinsiale regerings gehaal sal moet word en dit ten koste van dienslewering op gebiede soos onderwys, gesondheid, paaie, ens.

 

Artikel 5

Staat finansier die Zoeloe Koning se  uitgawes

In 1994,het die ANC regering hierdie reëlings oorgeneem by die vorige regering

So het die staat voortgegaan om uitgawes van die koning te finansier.

Sedert 1994, het die koning se familie uitgebrei en noodsaak die uitbreiding van die begroting wat ontevredenheid veroorsaak het in verskeie oorde. Sommige het gevra hoekom die Zoeloe-koning proporsioneel meer ontvang as enige ander koning in Suid-Afrika, en die rede waarom die staat moet voortgaan om die monarg te finansier, ongeag van hoeveel dit kos.

Dit is omstrede vrae, maar hulle verdien om ondervra te word, so lank as wat ons begin ons debat van ‘n grondslag van feite, eerder as wrok, veronderstelling of onkunde.

Daar moet ook in hierdie debat vir die rol wat die monargie speel in die handhawing van sosiale eenheid, dissipline en tradisionele waardes. Dit is moeilik om hierdie dinge ‘n geldwaarde te gee, en dit kan mislei om te probeer om dit te doen nie, want dit sou vernietigende minagting vir “duur” waardes te skep.

Hierdie waardes moet versterk word, en die feit dat die monargie nie dat jy nie moet verkleineer.

§ Buthelezi is die president van die Inkatha Freedom Party en tradisionele eerste minister van die Zulu monarg en nasie

 

Artikel 6

Transnet se nuwe peperduur lokomotiewe het die naweek in Rapport opslae gemaak ná ingenieurs gewaarsku het dat die 70 Afro-4000 treine meer as die standaardhoogte van 3,965 m hoog is. Die Passasierspooragentskap van Suid-Afrika (Prasa) hou egter vol dat die treine, wat sowat R600 miljoen gekos het, nie te hoog is
Artikel 7

UNPO Aanvaar Resolusies Van VF Plus oor Plaasmoorde En Afrikaans

Die Unrepresented Nations and Peoples Organization (UNPO) het oor die naweek met sy twaalfde algemene kongres in Brussels, België, resolusies van die VF Plus oor plaasmoord en Afrikaans aanvaar, en moet nou ingevolge sy mandaat optree om die belange van een van sy lede – in hierdie geval die Afrikaner – te beskerm.

Dit beteken dat daar nou op die hoogste internasionale vlak druk op die Suid-Afrikaanse regering uitgeoefen gaan word om antwoorde te verskaf en op te tree teen plaasmoord en die aanslag op Afrikaans as moedertaal-onderrigmedium.

Dr. Pieter Groenewald, voorsitter van die VF Plus, het die resolusie oor plaasmoord voorgehou en het die kongres toegespreek oor gewelddadige aanvalle en moorde wat die landbougemeenskap as strategiese minderheid teiken.

Ingevolge die aanvaarde resolusie, gaan UNPO nou ‘n beroep doen op die Suid-Afrikaanse menseregtekommissie (MRK) om sy ondersoekverslag oor plaasaanvalle uit te reik, en die Verenigde Nasies (VN) se menseregte-kommissaris gaan gevra word om die aangeleentheid te ondersoek.

UNPO het ook onderneem om Suid-Afrika se regering te versoek om plaasaanvalle tot prioriteitsmisdaad te verklaar.

Die VF Plus se nasionale jeugleier, mnr. Wouter Wessels, het die resolusie oor moedertaalonderrig aan die kongres voorgehou.

In hierdie geval het UNPO onderneem om ‘n beroep op die Suid-Afrikaanse regering te doen om gelyke onderwys-geleenthede aan almal in hul moedertaal te gee, en om die stelselmatige diskriminasie teen Afrikaans stop te sit.

ʼn Groot eer het die VF Plus tydens die kongres te beurt geval deurdat dr. Groenewald as voorsitter van UNPO se verkiesingskommissie aangewys is met die verkiesing van die organisasie se president, vise-president en dagbestuur, en dr. Pieter Mulder, leier van die VF Plus, is herkies tot die dagbestuur van UNPO.

Mnr. Nasser Boladai van Wes-Balochistan (Pakistan) is as die nuwe president van UNPO, en mnr. Abdirahman Mahdi van Ogaden (Ethiopie) as vise-president verkies.

Dr Pieter Groenewald

 

Plaasmoorde: Die ergste Vorm Van Diskriminasie Denkbaar
Die Suid-Afrikaanse regering se houding teenoor plaasmoorde is die ergste vorm van diskriminasie denkbaar en hoewel die departement van polisie die grootste sondebok is, strek die probleem egter veel wyer as dit.

Verskeie pogings is al deur AfriForum (en ander organisasies) aangewend om die vlaag plaasmoorde en potensiële oplossings daarvoor met die minister van polisie te bespreek. Dit het telkens op dowe ore geval. Hierdie stilswye is egter nie verbasend nie, veral as ’n mens in ag neem wat die departement van polisie te sê gehad het in die uitsonderlike gevalle waar hulle hulself wel oor hierdie krisis uitgespreek het.

“Publisiteitsfoefies” en “aandagsoekers”

In 2012 het AfriForum saam met slagoffers wie se geliefdes op plase vermoor is, na die minister van polisie (toe nog Nathi Mthethwa) se kantoor gestap om ʼn memorandum vir die prioritisering van plaasmoorde te oorhandig. Die minister het geweier om die memorandum te aanvaar (kyk die video hier).

Kort daarna het die minister se woordvoerder in die media gesê dat boere nie “goue seuns en dogters” is nie en dat hulle nie op spesiale behandeling geregtig is nie. In 2013 het Belinda van Noord namens 100 slagoffers ’n bundel vol briewe by die minister se kantoor ingedien. In die bundel vra die slagoffers vir die prioritisering van plaasmoorde. Belinda se pa en broer is in die maand voor dit op hul plaas naby Brits vermoor. Nog voordat die bundel die minister se kantoor bereik het, het sy woordvoerder ’n mediaverklaring uitgereik en gesê dat hierdie aksie in sy opinie net ʼn publisiteitsfoefie is. AfriForum en die slagoffers wie se geliefdes vermoor is, is deur die minister as ʼn klomp aandagsoekers afgemaak. Hy het selfs verder gegaan deur aan te voer dat hierdie pogings om met hom te kommunikeer, in sy opinie, die stryd teen misdaad in gedrang bring en suggereer dat die regering beter dinge het om met hulle tyd te doen as om hieraan aandag te gee.

Plaasmoorde gedeprioritiseer

’n Verdere ironie is dat die regering plaasmoorde vroeër wel as ʼn prioriteit beskou het. In die laat 1990’s het die regering in ’n amptelike verklaring gesê dat plaasmoorde buitengewoon onmenslik is en dat daadwerklike optrede nodig is om dit te stop. Die regering het ’n kommissie van ondersoek van stapel gestuur en selfs ʼn prioriteitskomitee binne-in die Suid-Afrikaanse Polisiediens (SAPD) gestig met die doel om plaasmoorde te ondersoek.

In 2003 het die regering egter sy houding verander. Teen alle verwagtinge, het president Mbeki aangekondig dat die kommando’s – ’n liggaam waarby lede van plaaslike gemeenskappe betrokke kon raak om beter na hul eie veiligheid om te sien – afgeskaf moet word. Geen redes is verskaf nie, behalwe dat dit nie deel van die regering se visie is nie. Op daardie stadium was amptelike statistieke oor plaasmoorde en -aanvalle egter nog vrygestel.

In 2007 het plaasaanvalle skielik met 25% gestyg vanaf die vorige jaar. Kort nadat hierdie feit geopenbaar is, het die regering aangekondig dat geen verdere statistieke oor plaasaanvalle en plaasmoorde uitgereik sal word nie.

Die syfers vandag

In die afwesigheid van regeringstatistieke word dit oorgelaat aan burgerlike organisasies om self statistieke op te trek. Die landbou-unie, TLU SA, is al vir ’n geruime tyd daarmee besig en AfriForum het ook onlangs begin om dit te doen. Hierdie twee organisasies het in 2014 ʼn ooreenkoms gesluit om hul data deurlopend met mekaar te deel om sodoende seker te maak dat die twee organisasies mekaar nie weerspreek nie en dat die syfers so volledig as moontlik is. Hierdie data word ingesamel uit inligting wat deur AfriForum en TLU SA se lede aan die organisasies gerapporteer word sowel as wenke op die sosiale media en nuusberigte. Alle data word geverifieer voordat dit op die lys gevoeg word. Geloofwaardige mediabronne word as verifieerbare data beskou, terwyl wenke op die sosiale media en inligting vanaf die publiek geverifieer word deur met die familie te skakel of dit by die plaaslike polisie op te volg.

Ons werk dus slegs met data wat geverifieer kan word en die syfers wat deur AfriForum en/of TLU SA gebruik word, behoort dus as die absolute minimum beskou te word, eerder as die volledige syfer. Volgens hierdie data was daar, teen die tyd wat hierdie artikel gepubliseer is, ’n totaal van 1 747 plaasmoorde in die afgelope 20 jaar. Hierdie syfers kan soos volg uiteengesit word:

Plaasmoorde: Januarie 1990 – Junie 2015

Boer – 1 133
Direkte Familie – 465
Werkers – 130
Besoekers – 10
TOTAAL – 1747

* Bron: TLU SA

Berekeninge deur die Instituut vir Sekerheidstudies (ISS) toon aan dat die verhouding waarteen Suid-Afrika se kommersiële boere vermoor word, herlei kan word na 138 per 100 000 per jaar. Die wêreldgemiddeld is ongeveer 7 per 100 000 per jaar en die algemene moordsyfer in Suid-Afrika is 32 per 100 000 per jaar. In 2011 het die regering ʼn nasionale spitsberaad gehou om ʼn gefokusde teenstrategie op te stel om die moorde op polisiebeamptes te verminder. In daardie stadium was die moordsyfer op polisiebeamptes 55 per 100 000 per jaar. Hierdie syfers maak dit duidelik dat ’n Suid-Afrikaanse boer se kans om vermoor te word, meer as twee keer soveel is as dié van ’n Suid-Afrikaanse polisiebeampte.

Waarom die regering plaasmoorde nie wil prioritiseer nie

In die afwesigheid van ’n amptelike regeringstandpunt ten opsigte van plaasmoorde, moet ’n mens jou wend tot kommentaar in die media om die regering se posisie vas te stel. In die eerste plek is dit belangrik om te noem dat die regering nie juis met die media hieroor praat nie, maar wel kommentaar lewer wanneer hulle geen ander keuse het nie, soos wanneer hulle tydens ’n mediakonferensie deur ’n joernalis gekonfronteer word, óf wanneer die Suid-Afrikaanse Menseregtekommissie (SAMK) hulle dwing om iets te sê.

Die argument wat gereeld herhaal word, soos wat hierbo reeds uitgewys is, is dat boere volgens die regering nie spesiaal is nie en daarom nie op spesiale behandeling geregtig is nie. Dit maak volgens die regering se argument nie sin om plaasmoorde te prioritiseer nie, aangesien moord reeds ’n misdaad is en dat ’n mens nie een verskynsel van misdaad bo ’n ander verskynsel van dieselfde misdaad kan prioritiseer nie. Dit sou neerkom op diskriminasie teen mense wat vermoor word, wat nie boere is nie. Dit is min of meer hoe die regering argumenteer.

Waarom die regering verkeerd is

Op die oog af klink die regering se argument heel logies. Die probleem is egter dat dit geheel en al van geloofwaardigheid gestroop is, aangesien die regering hierdie argument slegs voer wanneer hy met plaasmoorde gekonfronteer word en nie wanneer enige ander unieke misdade ter sprake is nie. Indien die regering en die SAPD hierdie argument met geloofwaardigheid wil voer, moet dit konsekwent op alle terreine van die samelewing toegepas word. Die implikasie hiervan is dat die regering as’t ware geen misdaad mag prioritiseer nie, aangesien bykans alle prioriteitsmisdade eintlik maar unieke vergestaltings van ’n meer algemene misdaad is. Die regering het byvoorbeeld nog nooit aangevoer dat renosterstropery eintlik maar “net gewone stropery” is nie en dat dit op diskriminasie teenoor olifante en koedoes sal neerkom as die stropery van renosters prioritiseer word nie. Nee, die argument is dat renosters in buitengewone proporsie geteiken word en dat die implikasies daarvan buitengewoon is en gevolglik dat ʼn buitengewone strategie opgestel moet word om die stropery van renosters te bekamp. Dieselfde kan gesê word oor diefstal van koperkabels, wat deur die regering as ’n prioriteitsmisdaad hanteer word. So ook bendegeweld en geweld teen vroue en kinders. Al hierdie misdade word met unieke regeringsprogramme beveg, omdat dit as unieke misdade bestempel word wat buitengewone implikasies kan inhou. Wanneer moorde op Suid-Afrika se voedselproduseerders egter ter sprake is, geld hierdie argument klaarblyklik nie en word bloot aangevoer dat dit nie sin maak om plaasmoorde te prioritiseer nie. Dit, in weerwil van die feit dat die nasionale ontwikkelingsplan (in Engels afgekort as die NDP) vir die landbougemeenskap ’n doel gestel het om 1 miljoen werksgeleenthede teen 2030 te skep.

Die ergste vorm van diskriminasie denkbaar

Indien ʼn mens holisties na die regering en die SAPD se optrede oor die algemeen en hul houding teenoor plaasmoorde in besonder kyk, kan ʼn mens nie anders as om tot die gevolgtrekking te kom dat die lewens van Suid-Afrika se voedselproduseerders net eenvoudig nie vir die regering belangrik is nie. Om die waarheid te sê, dit irriteer hulle wanneer hulle gevra word wat hulle hieroor gaan doen, bloot omdat boere se lewens geensins op hulle radar is nie. Wat die Suid-Afrikaanse regering as’t ware met sy optrede sê, is dat die diefstal van ’n stuk koperdraad in sy opinie veel erger is as die marteldood van ’n boer. Dit is die ergste vorm van diskriminasie denkbaar.

Deur:Ernst Roets
Adjunk Uitvoerende Hoof
AfriForum

 

 

26 Artikels oor Aanvalle vir die laaste maand, geweldadig en wreed teenoor sagte teikens

Aanvalle

 

1.Middelburg Aanval, Bejaarde Beseer, Aanvaller Doodgeskiet

July 2, 2015

MIDDELBURG – ʼn Gevaarlike aanvaller is gedurende ʼn rooftog doodgeskiet nadat ʼn bejaarde egpaar, Fanie (76) en Rola (74) Schoeman van Middelburg in Oos-Transvaal omstreeks 08:15 deur drie gewapende mans…

geweldadig wreed teenoor sagte teikens

 

 

2 Tongaat Plaasaanval, Bejaarde Vrou is Aangerand

June 30, 2015 –

TONGAAT – Maggs Visser (94) is Maandag beseer op haar plaas Tongaat in Natal toe twee aanvallers haar met die loop van ’n vuurwapen geslaan het voordat hulle gesê het…

geweldadig wreed teenoor sagte teikens

 

 

3. Bloemfontein Aanval, Bejaarde met Hammer Aangerand

June 29, 2015

BLOEMFONTEIN – Nidia Albertse (70),  van Dan Pienaar in die Vrystaat is verskeie kere met ’n hamer oor die kop geslaan. Nidia is in ’n ernstige toestand maar stabiel in…

 

4. Barberton Plaasaanval, Man Gesteek en Vrou Ongedeerd

June 24, 2015 –

BARBERTON – ‘n Egpaar is op hulle plaas in die Barberton omgewing van Oos-Transvaal omstreeks 02:00 op Maandag aangeval. Ongewapende slagoffer (51)

geweldadig wreed teenoor sagte teikens

 

 

5 Pretoria Egpaar Veg Verbete Teen Aanvaller in Hul Huis

June 21, 2015 –

PRETORIA – Johan Horn (66), ‘n  oud Grensoorlog soldaat en sy vrou Liz (64)  het Donderdagaand verbete ’n aanvaller hulle huis uit probeer baklei.

geweldadig wreed teenoor sagte teikens

 

6. Vrou Boender Aanvallers met Juwelekissie

June 21, 2015 –

ERMELO – Twee gemaskerde rowers het hul rieme in Ermelo, Oos-Transvaal, styfgeloop toe hulle Naomi Uys (57) in haar huis oorval het. Selfs op haar geskiet…

geweldadig wreed teenoor sagte teiken

 

 

 

7 Ganyesa Plaasaanval, Man in Oog en Rug Gesteek, Vrou Ongedeerd

June 21, 2015 –

GANYESA – Johannes Haasbroek (73) en sy vrou is Sondagoggend op hul plaas, Friedslard in die Wes-Transvaal aangeval,  Johannes is met ʼn skêr in sy oog en rug gesteek.

geweldadig wreed teenoor sagte teikens

 

 

8. Bedford Aanval, Bejaarde Boender Aanvaller met Kierie

June 20, 2015 –

BEDFORD – Humphrey Tyler (83), ‘n oudjoernalis en skrywer is buite hul huis in Bedford in die Oos-Kaap aangeval. Humphrey en sy vrou, Pat (82), het gister hul motor in die…

geweldadig wreed teenoor sagte teikens

 

 

 

9 Laersdrif Plaasaanval, Vrou in Arm Geskiet

June 19, 2015 –

LAERSDRIF – Yda Ruthven (65) en haar man, Hannes (75) is op hul plaas in Laersdrif in Noord-Transvaal aangeval, Yda is  in die arm geskiet.

geweldadig wreed teenoor sagte teikens

 

 

10. Migdol Plaasaanval, Vrou Skiet op Man se Aanvallers

June 19, 2015

MIGDOL– Plaasaanvallers het Woensdag vinnig spore gemaak in Wes-Transvaal toe ‘n Boer se vrou met ʼn vuurwapen op hulle losgebrand het.

geweldadig wreed teenoor sagte teikens

 

 

11. Paarl Plaasaanval, Man se Kop met Panga Oopgeslaan

June 18, 2015 –

PAARL – Isak (Sakkie) Kleinhans (53) van die Paarl omgewing in die Wes-Kaap is in die hospitaal opgeneem nadat sy kop tydens ʼn plaasaanval met ʼn panga oopgeslaan …

geweldadig wreed teenoor sagte teikens

 

 

12. Gouritsrivier Aanval, Vyf Tieners Skeur Skilder se Ooglede

June 18, 2015 –

GOURITSRIVIER – Jackie du Preez (53, is verlede Maandag digby Gouritsrivierbrug tussen Mosselbaai en Albertinia in die Wes-Kaap wreedaardig aangeval en geroof deur vyf minderjarige verhoorafwagtendes.

geweldadig wreed teenoor sagte teikens

 

13. + 14  Vrystaat Plaasaanval en Twee Bejaarde Vroue Oorval

June 15, 2015

REDDERSBURG – Terwyl die Vrystaat se polisie hier sy hande vol het met ’n erge misdaadvlaag, het twee bejaarde vroue in afsonderlike voorvalle nagmerrie-aanvalle in hul onderskeie huise oorleef.

 

geweldadig wreed teenoor sagte teikens

 

 

15. Man Soek Beeldmateriaal van Kapers wat Moor

June 15, 2015

JOHANNESBURG – George Barkhuizen het sy eie ondersoek begin na die moord op sy vrou, Odette (42), op Donderdag omstreeks 13:00. Odette is in ’n kaping helder oordag buite haar onderneming van Johannesburg in Sentraal-Transvaal doodgeskiet.

 

geweldadig wreed teenoor sagte teikens

 

 

16. Jacobsdal Plaasaanval, Bejaardes Vasgebind en Ernstig Beseer

June 12, 2015 –

BLOEMFONTEIN – Twee bejaarde mans wat op ‘n kleinhoewe ongeveer 6km buite Jacobsdal in die Vrystaat woon, is gister in die vroeë oggendure deur twee mans aangeval, vasgebind en ernstig beseer.

Een van die bejaardes kon daarin slaag om homself los te wikkel het die polisie ontbied. Die aanvallers is weg met ‘n bakkie asook verskillende stukke gereedskap.

Die nooddienspersoneel was volgens die polisie op die toneel om die mans te behandel. OFM nuus het verneem een van die slagoffers het baie bloed verloor sedert die aanval. Die twee mans is onderskeidelik 66- en 78-jaar oud – OFM Nuus

geweldadig wreed teenoor sagte teikens

 

 

17. Jong ma in Begraafplaas Aangeval met Baksteen

June 12, 2015 –

WINDSORTON – Natasha Swanepoel (22) is eers Donderdag dokter toe geneem nadat sy Dinsdag in die begraafplaas aangeval en amper verkrag is in die Noord-Kaap.

geweldadig wreed teenoor sagte teikens

 

18. Plaasaanval Held Sterk Goed aan Hospitaal

June 11, 2015 –

PRETORIA – Danie Robbertse (43) van Pretoria in Sentraal-Transvaal wat onlangs deur twee rowers oorval en geskiet is, sterk goed aan.

 

geweldadig wreed teenoor sagte teikens

 

 

19 Plaasaanval: Bejaarde Egpaar Deur Rowers Aangerand

June 10, 2015 –

MARQUARD – Gert van Rooyen (74) en sy vrou Sonja (73) is Sondagaand omstreeks 20:30 in hul plaashuis deur drie verdagtes oorval nadat ’n slaapkamervenster met ’n 20 pond-hamer gebreek is en albei geslaan en erg aangerand

geweldadig wreed teenoor sagte teikens

 

20 Moordsaak nadat Man aan Kopbeserings Dood is

June 10, 2015 –

PRETORIA – Die polisie van Pretoria, in Sentraal-Transvaal ondersoek ’n moordsaak nadat Chris Orban (71), ’n bekende in eiendomskringe, Sondag weens ernstige kopbeserings in ’n hospitaal dood is.

geweldadig wreed teenoor sagte teikens

 

21. Plaasaanval, Aanvallers Druk Samurai Swaard in Man se Keel af

June 4, 2015 –

MOOINOOI – Rodger van Parys (71) is in die aanval tussen Rustenburg en Mooinooi in Wes-Transvaal in sy slaapkamer oorval. Vyf gewapende mans het sy hande en voete vasgebind en hom deur die huis gesleep.

Die aanval het tussen 04:00 en 05:00 Donderdagoggend plaasgevind. Rodger, wat met moeite gepraat het weens sy beserings, het gesê die verdagtes het hom met die dood gedreig en deurentyd ’n vuurwapen teen sy kop gedruk. Hulle het volgens hom die swaard in sy keel afgedruk toe hy nie juwele aan die verdagtes kon verskaf nie. Sy verhemelte het diep snywonde opgedoen en sy slukderm is gesny. Hy is ook aan die linkerkant van sy nek met die swaard gesny.

Drie van sy ribbe is ook gebreek. Mario van Wyk (40), wat by Rodger huur is in die bobeen geskiet. Sy hande en voete is vasgebind en hy is die veld in gesleep.

geweldadig wreed teenoor sagte teikens

 

22. Nyoni Boer Sterf en sy Broer Ernstig Gewond Tydens Plaasaanval

June 4, 2015 –

NYONI – Peter Johnson (56) is Dinsdagaand op ’n plaas in die Nyoni-omgewing in Natal deur drie gewapende rowers doodgeskiet en Ian (54), Peter se broer is in die gesig  gewond.

geweldadig wreed teenoor sagte teikens

 

23. Plaasaanval, Man op Hoenderplaas Geskiet Tydens Roof

June 4, 2015

MOOINOOI – ’n Man is vroeg Donderdagoggend tydens ’n plaasaanval tussen Rustenburg en Mooinooi in Wes-Transvaal gewond.

geweldadig wreed teenoor sagte teikens

 

 

24. Allanridge Aanval: Man is Dertien Keer Gesteek

June 3, 2015 –

ALLANRIDE – Jan Jacobs (59) van Allanridge het meer as 13 steekwonde, onder meer in sy maag en aan sy gesig, opgedoen toe hy Dinsdag omstreeks 07:00 in sy huis  oorval is.

 

 

geweldadig wreed teenoor sagte teikens

 

25.Man met Wielsleutel Aangeval Tydens Huisroof

June 2, 2015 –

MIDRAND – Francois van Niekerk, 26, en sy vriendin, 22, was nog wakker toe hulle klein hond begin blaf het Saterdag omstreeks 03:00 in Midrand, Sentraal-Transvaal.

geweldadig wreed teenoor sagte teikens

 

 

 

26. Rashoop Man Deur Rowers Doodgesteek

June 1, 2015

RASHOOP – Andries Snyman (59) van Rashoop naby Brits in die Wes-Transvaal is Saterdag omstreeks 03:45 deur rowers doodgesteek met ‘n mes vir sy kontant en selfoon.

 

geweldadig wreed teenoor sagte teikens

 

26 Gevalle wat ek geneem het uit slegs een media bron daar was veel meer aanvalle gedurende die tydperk

 

 

Artikel Deur Piet Rudolh

VOORVEISTES VIR ‘N VRYE VOLK

1.   Om volk te wees moet ons grondgebied hê. Vir ons Boere beteken dit dat die erwe wat ons vaders s’n was, weer ons en ons kinders se erwe moet word.

2.   Daarom moet daar ‘n Boere-Republikeinse beweging onder ons volk wees. ‘n Beweging vry van beperkende politieke groepering of platformpies vir kleinlike verdelende politieke aspirasies of verwagting.

3.   Voordat ons vry kan wees moet ons eers die volk VERENIG. Daar moet ‘n drang wees om volk te wees en vry te wees. Daarom is daar in ons volk se verlede ‘n hoekpaal by name Vereeniging. Wat by Vereeniging gedoen was op 31 Mei 1902 moet eers ontdaan word voor ons Vry kan wees.

4.   As ons Boerevolk eers verenig is moet ons VERINNIG rondom dit wat ons is: Ons geloof in die Allerhoogste Skepper van Hemel en Aarde. Rondom ons Geloftes en rondom ons geskiedenis. Daarom moet daar ook die drang wees om te bewaar wat ons s’n is! Die verlede is die fondament waarop ons toekoms moet bou!

5.   Wanneer ons verinnig het, VEREDEL ons ons volk. Dit is ‘n opheffingstaak waarin ons volle verantwoordelikheid aanvaar vir ons Boerevolk se lotgevalle en eindbestemming, vir sy morele herbewapening; vir sy opvoeding, versorging, veiligheid  en voorspoed. Niemand anders gaan dit vir ons doen nie. Ons moet dit self doen!

6.   Daarom moet ons ‘n SAAMSTAAN-HELPMEKAARAKSIE hê. Dit is ‘n aksie met politieke implikasies. Moet nie praat van geloof en Bybelse naasteliefde as daar nie ‘n wil is om na jou volk uit te reik nie.

7.   Ons volk is vandag in knegskap as gevolg van verraad en onnadenkende politiek besluite. Ons vyand het ons in ‘n doodsgreep van vernietiging waaruit ons net kan loskom met Sy Genade en ons wil om te wees waarvoor Hy ons geskape het. Alleen kan ons dit nie doen nie. Die vraag bly egter wil ons.

deur- Piet Rudolph

 

Die SAUK Nuus platform, Radio, Webwerf en FB blad, is beskikbaar vir ons mense om van gebruik te maak. Indien U enige iets wil aankondig, bydra, of self U eie program wil loods, kontak ons gerus op nuus@sauk.co.za

Enjoyed this post? Share it!