Politieke gedweep om Afrikaans uit te skuif

Die pogings om Afrikaans te marginaliseer is niks anders nie as politieke dwepery en ʼn poging om aggressiewe studente-bewegings soos dié van die EFF te paai om vrede ten alle koste te bewerkstellig.

Dit is die kern van die boodskap van die VF Plus in sy voorlegging aan die Onafhanklike Transformasiekomitee van die Universiteit van Pretoria (UP).

Volgens adv. Anton Alberts van die VF Plus is die oplossing die erkenning van moedertaal-onderwys. Afrikaans is bloot die weerligafleier vir die werklike probleem.

Die Slegs Engels-veldtog is op ʼn valse grondslag gebou en word polities gebruik deur die EFF en ander magte om stemme te werf. Om daaraan gehoor te gee, is irrasioneel, het hy gesê.

Meertaligheid en moedertaal-onderrig is die antwoord. Dit is wetenskaplik bewys, het Alberts benadruk.

 Bron: Vryburger


Enjoyed this post? Share it!