Pretoria kan nog 3 Dae brand

Tshwane kan nog 3 dae brand
 16:05

Die LUR  vir gemeenskapsveiligheid in Gauteng Sizakele Nkosi-Malobane sê spesiale magte gaan Dinsdagaand en Woensdag na Attridgeville ontplooi word.

“Die plan is dat mense môre weer veilig by die werk kan kom. Dis onaanvaarbaar dat mense hul werke verloor en beserings opdoen as gevolg van gewelddadige betogings,” sê Malobane.

15:58

Betogers gaan dalk nog drie dae lank in en rondom Pretoria “winkels en voertuie afbrand”.

Dit kom nadat die huidige burgemeester van Tshwane-metro Kgosientso “Sputla” Ramokgopa tydens ’n vergadering in Attridgeville vir inwoners gesê het hy sal binne drie dae na hulle toe terugkom met antwoorde op hul vrae en bekommernisse.

Sputla het Dinsdagmiddag in die gemeenskapsaal in Attridgeville die ontstoke inwoners se bekommernisse aangehoor.

Verskeie gemeenskapslede het ná die vergadering aangedui hul is “bitterlik ontevrede” met die vergadering se uitkoms.

“Ons wil nou antwoorde hê. Mense moenie dink ons gaan vir die volgende drie dae kalm bly nie. Ons gaan winkels en voertuie afbrand totdat daar aangekondig word dat Sputla die burgemeester gaan bly.”

15:24

ANC-leiersfigure, onder leiding van die Tshwane-burgemeester Sputla Ramokgopa, is nou op pad na Solomon Mahlangu-plein in Mamelodi om ook daar met ontstoke inwoners te praat. Hy het oproeriges pas in Atteridgeville toegespreek waar hy hulle gevra het om kalm te bly en Thoko Didiza as burgemeesterskandidaat te aanvaar. Dít het egter nie gewerk nie en mense het gedreunsing “No Sputla, no vote”.

Bron: Netwerk24


 

Enjoyed this post? Share it!