Publiek word mislei met duistere taktiek

Lyk die vuis-saluut bekend – plaaslik en oorsee (byvoorbeeld in Amerika)? Dan is daar nog diegene wat glo dat “vreedsame” protes uit sekere oorde niks duister inhou nie …

 Tog moet mens nie vergeet nie: die VSA was instrumenteel daarin om nie net die ANC aan bewind te plaas nie, maar hulle het doelbewus die naakte stalinisme van Nelson Mandela en sy binnekring onder mat help vee.

Hulle maai dus in sekere sin bloot wat hulle reeds dekades elders in die wêreld, ook SA, gesaai het.

 Wat is die onderliggende werklikheid omtrent hierdie swart mag (“black power”)-saluut?

 Die media was vinnig om te beklemtoon dat die protes was “vreedsaam tot die oomblik van die skietery” in Dallas, Texas verlede week.

Sederdien word besondere klem gelê op die feit dat moordenaar Micah Johnson alleen sou opgetree het.

 Maar die taktieke van sogenaamde passifistiese swart protes word heel volledig deur niemand anders as Nelson Mandela self omskryf nie. (Long walk to freedom)

 Stap 1: identifiseer individue wat bereid is om doelbewus wette te oortree, met die doel om reaksie deur die polisie te ontlok

 Stap 2: organiseer massa-protes teen die gewaande “onderdrukking”

 Stap 3: gebruik protes as dekmantel vir terreur, wat later onder Mbeki verfyn is tot stedelike geweld geskoei op die model van die Viëtkong

 ´n Klassieke kommunistiese strategie, wat deur die dekades deur verskeie terreurgroepe aangewend is met toenemende sukses, aangesien deel van massa-protes die mobilisering van die media en openbare mening is.

 Net soos die ANC keer op keer misdadige geweld aangestig het en dan hulleself as “slagoffers” laat skets het, sien ons dieselfde uitspeel op soveel plekke wêreldwyd.

 Want ongeag die reaksie van polisiemagte ignoreer almal die een feit: keer op keer wanneer die media-stofstorm bedaar, ontrafel “slagoffers” se kriminele rekords, natuurlik glad nie in die hoofopskrifte nie.

 Bron:Vryburger


Enjoyed this post? Share it!