Reeds 78 plaasmoorde en 414 plaasaanvalle vir die jaar in Suid-Afrika

Teen Vrydag, 15 Desember 2017, was daar reeds 78 plaasmoorde en 414 plaasaanvalle vir die jaar in Suid-Afrika, volgens die TLU SA.

*Mnr. Louis Meintjies, voorsitter van die TLU SA, sê hoewel 2017 nog nie verby is nie, is die misdaadsyfer reeds hoër as dié van 2016*.

*Verlede jaar was daar 71 plaasmoorde en 369 plaasaanvalle. In die afgelope 27 jaar was daar 1 934 plaasmoorde en 4 528 plaasaanvalle.*

*Die neiging is dat plaasaanvalle in Gauteng, Mpumalanga, Noordwes, die Vrystaat en KwaZulu-Natal besig is om skerp te styg, sê hy*

*“As jy na die misdaadsyfers van die verskillende provinsies kyk, is dit duidelik dat misdaad in Desember aansienlik erger as gewoonlik is. Diefstal en inbrake word die meeste aangemeld, maar in baie gevalle gaan hierdie tipe misdaad met geweld gepaard.”*

*Met die feesgety en vakansiegees in almal se harte, is plaasaanvalle die laaste ding waaroor ’n boer hom of haar wil bekommer. Helaas, daar was daar vanoggend, 19 Desember 2017, weer ’n aanval op ’n plaas naby Caledon in die Wes-Kaap. Die goeie nuus is dat drie verdagtes in hegtenis geneem is slegs ure ná die aanval op die boer en sy seun. Die boer is met ’n mes in sy hand gesteek en sy seun in die rug. Albei is in die hospitaal opgeneem.*

*Plaasaanvalle neem toe in Noord-, Oos- en Wes-Kaap*

*Volgens Louis is plaasaanvalle in die Noord-, Oos-, en Wes-Kaap beslis aan die toeneem. Hoewel hy reken dit nie verband hou met die Swart Maandag-beweging nie, meen hy boere in dié provinsies is nie so paraat soos dié in ander provinsies nie.*

*“In die verlede was daar aansienlik minder plaasaanvalle in dié provinsies. Daar was al jare waarin daar geen moorde aangemeld is nie. Dié boere sal egter veiligheidsplanne gereed moet kry.”*

*Louis sê ’n boer moet gewaarsku word as iemand sy plaas onwettig betree. “So ver as moontlik van jou huis af moet jy al die waarskuwing kry sodat jy nie onkant betrap word nie. Kameras op die plaas en beligting is ook belangrik, want dit help nie.


Enjoyed this post? Share it!