Reën kom, oorstromings dreig

Kaapstad. – Swaar reën word vir vandag en môre oor groot dele van die Wes-Kaap voorspel, wat die hoop laat opvlam dat die vlak van die grootste opgaardamme in die streek nog ’n aks kan styg.

Die Kaapstadse weerkantoor het gewaarsku teen moontlike oorstromings vannag en môre in die Kaapse metropool, Overberg, Wynland en suidelike dele van die Weskus-distrik. Dit is ook in dié dele van die provinsie waar swaar reën verwag word.

Teen môremiddag word sterk wind oor die Sentraal-Karoo en suidelike dele van die Noord-Kaap voorspel.

Die jongste damvlakke wys dat die vernaamste opgaardamme vir Kaapstad en omstreke uiteindelik begin water vat het.

Bron: Netwerk 24


 

Enjoyed this post? Share it!